QR Densaýlyq saqtaý ministrligi 15 qazan kúngi koronavirýs infektsiiasymen aýyrǵandarǵa qatysty aqparatty jariialady, dep habarlaidy "Ult aqparat".
Qazirgi ýaqytta koronavirýs infektsiiasynan 2 789 adam em qabyldap jatyr. Onyń arasynda 99 óskinshek bala bar. Statsionarlarda 2 055 naýqas jatyr. 734 adam ambýlatoriialyq jaǵdaida emdelýde.
Jalpy, naýqastardyń arasynda 82 adamnyń ahýaly nashar. Sonyń ishinde 14 naýqastyń ahýaly asa qatty aýyr dep baǵalanǵan. 11 naýqas ókpeni jasandy jeldetý apparatynda jatyr.
QR Densaýlyq saqtaý ministrligi budan bylai táýliktik nátijeler týraly aqparatty úzbei jariialap otyrady. Barlyq málimet resmi saitta jáne vedomstvonyń áleýmettik jelilerdegi paraqshalary arqyly taratylady.
Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady.
Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy press-brifingte habarlap turady.
