Úkimet otyrysynda QR Ekologiia, geologiia jáne tabiǵi resýrstar ministri Serikqali Brekeshev 9 jańa sý qoimasyn salý qandai nátije beretinin aitty, dep habarlaidy QazAqparat.
«Aldaǵy 5 jylda 1,7 tekshe kilometr kóleminde sýdy shoǵyrlandyrý úshin 9 jańa sý qoimasyn salý josparlanǵan. Bul 14 eldi mekenge (70 myń adam) sý tasqyny qaýpin azaitýǵa, 195,3 myń gektarda jańa sýarmaly jerlerdi ainalymǵa engizýge, aýyl sharýashylyǵynda 20 myńnan astam jumys ornyn qurýǵa múmkindik beredi», - dedi Brekeshev.
Onyń aitýynsha, aldyn ala esepteýlerge sáikes, 9 jańa sý qoimasyn salýdyń jalpy quny 59,4 milliard teńgeni quraidy. Onyń ishinde 11,3 mlrd tengesi 2022-2024 jyldarǵa arnalǵan Respýblikalyq biýdjetten qoldaý tapty. Jobalaý-smetalyq qujattamany ázirleýdi aiaqtaý úshin qosymsha 700 million teńge, sonymen qatar qurylys-montajdaý jumystaryna 2025-shi jylǵa deiin 47,4 mlrd teńge qajet.
«Osy jobalardy iske asyrý nátijesinde kórshi elderge sý táýeldiligin tómendetýge ákeledi», - dedi ministr.
