«Halyq únine qulaq asatyn memleket» tujyrymdamasyn iske asyrý aiasynda Prezidenttiń kómekshisi Tamara Dúisenovaǵa Sybailas jemqorlyqqa qarsy is-qimyl agenttiginiń «Adaldyq alańy» jobalyq keńsesiniń jumysy tanystyryldy. Is-sharaǵa agenttik tóraǵasy Alik Shpekbaev pen Nur-Sultan qalasynyń ákimi Altai Kólginov qatysty, dep habarlaidy "Ult aqparat".
Atalǵan agenttik málimetinshe, barlyq óńirlerdegi jobalyq bastamanyń qyzmeti turmystyq sybailas jemqorlyqty joiýǵa, memlekettik qyzmetter alý kezinde qolaily jaǵdailar jasaýǵa jáne qoǵamdyq baqylaý tetikterin pármendi iske asyrýdy qamtamasyz etýge baǵyttalǵan.
«Agenttiktiń Parasattylyq departamentiniń direktory Ǵanijan Asanuly jobanyń el aýqymyndaǵy negizgi nátijelerin baiandap, kez kelgen memlekettik organnyń qyzmetin baǵalaýdaǵy azamattar seniminiń basty talap ekenin atap ótti. Talqylaý barysynda memlekettik mekemelerdi transformatsiialaýdyń jáne memlekettik organdardyń qoǵammen ózara árekettestigi qaǵidattarynyń mańyzdy róline basa nazar aýdaryldy», - dep atap ótedi vedomstvodan.
Qazirgi tańda Qazaqstanda 855 memlekettik mekeme «open space» formatyna kóshti, 584 mekeme halyqqa kedergisiz qyzmet kórsetýge arnalǵan front-keńselerdi ashty. Ártúrli deńgeidegi 253 ákimdik óz qyzmetin servistik úlgi negizderine beiimdedi.
Agenttik mundai tájiribeni óz úlgisimen kórsetedi. Departament qyzmetkerleriniń ashyq kabinetterin aralaǵan Tamara Dúisenova mundai tásildiń aiqyndylyq pen senimge qolaily jaǵdai jasaitynyna nazar aýdardy.
Astanalyq departament janyndaǵy «Antikor Ortalyǵy» servistik ortalyǵynyń qyzmeti Agenttiktiń qoǵamdyq uiymdarmen ózara isqimylyn jáne halyqpen tiimdi keri bailanysyn qamtamasyz etýge arnalǵan alań retinde qurylǵan. Qonaqtarǵa azamattardy qabyldaýdyń, sonyń ishinde «Protecting business and Investments» biznesti sybailas jemqorlyqqa qarsy súiemeldeý baǵyty boiynsha zamanaýi tetikteri tanystyryldy. Qyzmetkerler «AAntikor.Live brifingter men tikelei efir stýdiiasynyń jumysy týraly aityp berdi. Kez kelgen adam spikerlerge suraq qoia alady nemese keńes ala alady.
«Astana – Adaldyq alańy» jobalyq keńsesiniń basshysy Miras Shekenov agenttiktiń astanalyq ákimdikpen tiimdi ózara is-qimyly týraly aita kele, jobalyq keńseniń is-sharalarynyń júzege asyrylý barysyn baiandady. Memlekettik mekemelerdiń biýdjet qarajatyn jumsaýyn onlain rejimde qoǵamdyq baqylaý múmkindigin qamtamasyz etetin «Ashyq biýdjetterdiń interaktivti kartasy» erekshe qyzyǵýshylyq týdyrdy.
Kezdesý qorytyndysy boiynsha Tamara Dúisenova óńirlerdegi memlekettik organdardyń ashyqtyǵy men aiqyndylyǵyn qamtamasyz etý, qoǵammen syndarly yntymaqtastastyq ornatý qajettigin atap ótti. Onyń aitýynsha, mundai árekettestik kezinde azamattyń shaǵymdary sozbalańdyqqa salynbai jáne ortalyq memlekettik organdarǵa amalsyz júginbei, jergilikti deńgeide barynsha sapaly qaralý qajet.
