10 naýryzda Qazaqstanda koronavirýs testi oń shyqqan taǵy 752 naýqas anyqtaldy. 48 adamǵa koronavirýs pnevmoniiasy diagnozy qoiylǵan. 12 adam ólimi tirkelgen: 9 adam - koronavirýstan, 3 adam koronavirýs pnevmoniiasynan qaitys bolǵan dep aitylady. Densaýlyq saqtaý ministrligi adam ólimi men koronavirýs pnevmoniiasy boiynsha eki kún burynǵy derekti jariialap keledi.
Qazaqstanda 2020 jyldyń 13 naýryzynan beri 220 770 adamnyń koronavirýs testi oń shyqqan. Basym bóligi jazylǵan. Sodan beri 2 830 adam qaitys bolǵan. Ótken táýlikte eń kóp naýqas Almatyda (197) tirkeldi. Qalǵan oblystar men qalalarda anyqtalǵan naýqastar júzge jetpeidi.
Bilik 2020 jyldyń 1 tamyzynan beri koronavirýs pnevmoniiasyna shaldyqqandarǵa jeke kod berip, olardy jalpy Covid statistikasyna qospai bólek eseptep keledi. Oǵan deiin qansha adamnyń atalǵan aýrý túrine shaldyqqany belgisiz. Ministrlik koronavirýs pnevmoniiasyn pnevmoniianyń jalpy túrlerinen ajyratý qiyn bolǵandyǵyn alǵa tartqan. Sońǵy málimet boiynsha, 7 aidan astam ýaqyt ishinde 49 629 adamnan koronavirýs pnevmoniiasy anyqtalǵan. 44 358 adam jazylǵan. 650 adam qaitys bolǵan.
Qazir koronavirýs pen koronavirýs pnevmoniiasynan 18 432 adam emdelip jatyr. Statsionarlarda 4 570 adam jatyr. 231 adamnyń jaǵdaiy - aýyr, 37 adam jasandy tynys apparatyna qosylǵan.
Amerikalyq Djons Hopkins ýniversitetiniń málimetinshe, álemde 117,9 mln adamǵa koronavirýs juqqan. Shamamen 66,8 mln jazylǵan, 2,6 mln adam qaitys bolǵan.
Qazaqstanda 11 naýryzdaǵy jaǵdai boiynsha, Nur-Sultan men Almaty qalalary «qyzyl» aimaqta tur.
Al «sary» aimaqta - Batys Qazaqstan, Atyraý, Aqmola, Qaraǵandy jáne Pavlodar oblystary ornalasqan.
Al qalǵan óńirler «jasyl» aimaqta.
Jalpy Qazaqstan koronavirýstyń taralý qaýpi boiynsha «jasyl» aimaqta ornalasqan.
Aimaqtar boiynsha koronavirýs juqtyrǵandar sany:
Nur-Sultan qalasy - 94, Almaty qalasy - 197, Shymkent qalasy - 18, Aqmola oblysy - 52, Aqtóbe oblysy - 14, Almaty oblysy - 45, Atyraý oblysy - 33, Shyǵys Qazaqstan oblysy - 18, Jambyl oblysy - 17, Batys Qazaqstan oblysy - 74, Qaraǵandy oblysy - 62, Qostanai oblysy - 50, Qyzylorda oblysy - 1, Mańǵystaý oblysy - 4, Pavlodar oblysy - 53, Soltústik Qazaqstan oblysy - 19, Túrkistan oblysy - 1.
