Ulttyq bank shaǵyn jáne orta kásipkerlerdi jeńildikpen kreditteý baǵdarlamasynyń bekitilgenin málimdedi, dep habarlaidy banktiń resmi saity.
Banktiń málimetinshe jańa baǵdarlama koronovirýs pandemiiasyna jáne onyń Qazaqstan ekonomikasyna teris yqpalyna bailanysty tótenshe jaǵdai saldarynan zardap shekken kásipkerlerdi qoldaý úshin jasaldy. Buǵan deiin prezident Qasym-Jomart Toqaev ta tiisti tapsyrma bergen. Osylaisha Ulttyq bank qarjy naryǵyn retteý jáne damytý agenttigimen birlesip shaǵyn jáne orta kásipkerlik sýbektilerin jeńildikpen kreditteý baǵdarlamasyn ázirledi.
"Baǵdarlamany iske asyrý úshin ekinshi deńgeili bankterde negizdelgen salymdardy ornalastyrý arqyly 600 milliard teńge bólindi. Biznesti qoldaý tetigi ekinshi deńgeili bankterdiń tótenshe jaǵdaidyń engizilýi saldarynan zardap shekken shaǵyn jáne orta kásipkerlik sýbektilerine, jeke kásipkerlerge 12 aiǵa deiingi merzimmen jyldyq 8%-ten aspaityn mólsherleme boiynsha ainalym qarajatyn tolyqtyrýǵa jeńildikpen kreditter berý arqyly iske asyrylady", - delingen resmi habarlamada.
Ekinshi deńgeili bankter bólingen qarajatty 3 aidyń ishinde igerýi tiis. Baǵdarlamanyń operatory – Ulttyq bank janyndaǵy "Qazaqstannyń ornyqtylyq qory" AQ. Kreditter 13 bank arqyly beriledi.
"Baǵdarlamaǵa qatysýshy bankterge bólingen qarajatty memlekettik jáne memlekettik emes baǵaly qaǵazdardy satyp alýǵa, basqa banktterdegi depozitterge ornalastyrýǵa, shetel valiýtasyn satyp alýǵa jáne ózge de maqsatqa paidalanýǵa tyiym salynady. Qazaqstan qarjy naryǵyn retteý jáne damytý agenttigi "Qazaqstannyń ornyqtylyq qory" AQ-men birlesip kásipkerlerge berilgen jeńildikti kreditterdiń ýaqytyly jáne nysanaly paidalanylýyna ai saiynǵy negizde monitoring júrgizedi", - delingen birlesken málimdemede.
