ۇلتتىق بانك شاعىن جەنە ورتا كەسٸپكەرلەردٸ جەڭٸلدٸكپەن كرەديتتەۋ باعدارلاماسىنىڭ بەكٸتٸلگەنٸن مەلٸمدەدٸ, دەپ حابارلايدى بانكتٸڭ رەسمي سايتى.
بانكتٸڭ مەلٸمەتٸنشە جاڭا باعدارلاما كورونوۆيرۋس پاندەميياسىنا جەنە ونىڭ قازاقستان ەكونوميكاسىنا تەرٸس ىقپالىنا بايلانىستى تٶتەنشە جاعداي سالدارىنان زارداپ شەككەن كەسٸپكەرلەردٸ قولداۋ ٷشٸن جاسالدى. بۇعان دەيٸن پرەزيدەنت قاسىم-جومارت توقاەۆ تا تيٸستٸ تاپسىرما بەرگەن. وسىلايشا ۇلتتىق بانك قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسٸپ شاعىن جەنە ورتا كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسىن ەزٸرلەدٸ.
"باعدارلامانى ٸسكە اسىرۋ ٷشٸن ەكٸنشٸ دەڭگەيلٸ بانكتەردە نەگٸزدەلگەن سالىمداردى ورنالاستىرۋ ارقىلى 600 ميلليارد تەڭگە بٶلٸندٸ. بيزنەستٸ قولداۋ تەتٸگٸ ەكٸنشٸ دەڭگەيلٸ بانكتەردٸڭ تٶتەنشە جاعدايدىڭ ەنگٸزٸلۋٸ سالدارىنان زارداپ شەككەن شاعىن جەنە ورتا كەسٸپكەرلٸك سۋبەكتٸلەرٸنە, جەكە كەسٸپكەرلەرگە 12 ايعا دەيٸنگٸ مەرزٸممەن جىلدىق 8%-تەن اسپايتىن مٶلشەرلەمە بويىنشا اينالىم قاراجاتىن تولىقتىرۋعا جەڭٸلدٸكپەن كرەديتتەر بەرۋ ارقىلى ٸسكە اسىرىلادى", - دەلٸنگەن رەسمي حابارلامادا.
ەكٸنشٸ دەڭگەيلٸ بانكتەر بٶلٸنگەن قاراجاتتى 3 ايدىڭ ٸشٸندە يگەرۋٸ تيٸس. باعدارلامانىڭ وپەراتورى – ۇلتتىق بانك جانىنداعى "قازاقستاننىڭ ورنىقتىلىق قورى" اق. كرەديتتەر 13 بانك ارقىلى بەرٸلەدٸ.
"باعدارلاماعا قاتىسۋشى بانكتەرگە بٶلٸنگەن قاراجاتتى مەملەكەتتٸك جەنە مەملەكەتتٸك ەمەس باعالى قاعازداردى ساتىپ الۋعا, باسقا بانكتتەردەگٸ دەپوزيتتەرگە ورنالاستىرۋعا, شەتەل ۆاليۋتاسىن ساتىپ الۋعا جەنە ٶزگە دە ماقساتقا پايدالانۋعا تىيىم سالىنادى. قازاقستان قارجى نارىعىن رەتتەۋ جەنە دامىتۋ اگەنتتٸگٸ "قازاقستاننىڭ ورنىقتىلىق قورى" اق-مەن بٸرلەسٸپ كەسٸپكەرلەرگە بەرٸلگەن جەڭٸلدٸكتٸ كرەديتتەردٸڭ ۋاقىتىلى جەنە نىسانالى پايدالانىلۋىنا اي سايىنعى نەگٸزدە مونيتورينگ جٷرگٸزەدٸ", - دەلٸنگەن بٸرلەسكەن مەلٸمدەمەدە.
