Qazaqstan densaýlyq saqtaý ministrligi 20 sáýir 22.15-te elde taǵy 77 adamnan koronavirýs tabylǵanyn habarlady. Olardyń basym bóligi Almatyda - 77 adam. Budan bólek, Shymkent qalasynda - 7, Almaty oblysynda - 6, Pavlodar oblysynda - 3, Nur-Sultan qalasynda - 3, Batys Qazaqstan oblysynda 1 adamnan virýs anyqtaldy.
Osylaisha, Qazaqstanda 20 sáýirde 176 adam COVID-19 indetine shaldyqqany belgili boldy. Buǵan deiin Qazaqstanda bir kúnde osynshama adamnan virýs tabylmaǵan.
Qazir elde barlyǵy 1852 adamnan virýs anyqtaldy. 447 adam dertten aiyqty. 19 adam qaitys boldy. Qazaqstanda qazir 1386 adam COVID-19 dertimen aýyryp jatyr.
Almaty qalasynda virýs juqtyrǵandar 606 adamǵa jetti. Olardyń biraz bóligi - dáriger. Ótken aptada qala ákimi Baqytjan Saǵyntaev Almatyda 800 adamǵa virýs juǵýy múmkin dep boljaǵan.
Elde koronavirýsqa bailanysty 1 mamyrǵa deiin tótenshe jaǵdai jariialanǵan. Densaýlyq saqtaý ministrligi Qazaqstanda virýs infektsiiasy sharyqtaý shegine jetkenin, biraq áli shekten ótpegenin málimdedi. Densaýlyq saqtaý ministri Eljan Birtanov elde 3500 adamǵa virýs juǵady dep boljaidy.
Virýs juqtyrǵan 1852 adam myna aimaqtarda:
- Nur-Sultan qalasy – 386
- Almaty qalasy – 606
- Qyzylorda oblysy – 149
- Qaraǵandy oblysy – 93
- Shymkent qalasy – 90
- Aqmola oblysy – 82
- Atyraý oblysy – 80
- Batys Qazaqstan oblysy – 64
- Jambyl oblysy – 61
- Túrkistan oblysy – 60
- Almaty oblysy – 50
- Pavlodar oblysy – 33
- Soltústik Qazaqstan oblysy – 30
- Aqtóbe oblysy – 27
- Qostanai oblysy – 21
- Mańǵystaý oblysy – 12
- Shyǵys Qazaqstan oblysy – 8
