قازاقستان دەنساۋلىق ساقتاۋ مينيسترلٸگٸ 20 سەۋٸر 22.15-تە ەلدە تاعى 77 ادامنان كوروناۆيرۋس تابىلعانىن حابارلادى. ولاردىڭ باسىم بٶلٸگٸ الماتىدا - 77 ادام. بۇدان بٶلەك, شىمكەنت قالاسىندا - 7, الماتى وبلىسىندا - 6, پاۆلودار وبلىسىندا - 3, نۇر-سۇلتان قالاسىندا - 3, باتىس قازاقستان وبلىسىندا 1 ادامنان ۆيرۋس انىقتالدى.
وسىلايشا, قازاقستاندا 20 سەۋٸردە 176 ادام COVID-19 ٸندەتٸنە شالدىققانى بەلگٸلٸ بولدى. بۇعان دەيٸن قازاقستاندا بٸر كٷندە وسىنشاما ادامنان ۆيرۋس تابىلماعان.
قازٸر ەلدە بارلىعى 1852 ادامنان ۆيرۋس انىقتالدى. 447 ادام دەرتتەن ايىقتى. 19 ادام قايتىس بولدى. قازاقستاندا قازٸر 1386 ادام COVID-19 دەرتٸمەن اۋىرىپ جاتىر.
الماتى قالاسىندا ۆيرۋس جۇقتىرعاندار 606 ادامعا جەتتٸ. ولاردىڭ بٸراز بٶلٸگٸ - دەرٸگەر. ٶتكەن اپتادا قالا ەكٸمٸ باقىتجان ساعىنتاەۆ الماتىدا 800 ادامعا ۆيرۋس جۇعۋى مٷمكٸن دەپ بولجاعان.
ەلدە كوروناۆيرۋسقا بايلانىستى 1 مامىرعا دەيٸن تٶتەنشە جاعداي جارييالانعان. دەنساۋلىق ساقتاۋ مينيسترلٸگٸ قازاقستاندا ۆيرۋس ينفەكتسيياسى شارىقتاۋ شەگٸنە جەتكەنٸن, بٸراق ەلٸ شەكتەن ٶتپەگەنٸن مەلٸمدەدٸ. دەنساۋلىق ساقتاۋ مينيسترٸ ەلجان بٸرتانوۆ ەلدە 3500 ادامعا ۆيرۋس جۇعادى دەپ بولجايدى.
ۆيرۋس جۇقتىرعان 1852 ادام مىنا ايماقتاردا:
- نۇر-سۇلتان قالاسى – 386
- الماتى قالاسى – 606
- قىزىلوردا وبلىسى – 149
- قاراعاندى وبلىسى – 93
- شىمكەنت قالاسى – 90
- اقمولا وبلىسى – 82
- اتىراۋ وبلىسى – 80
- باتىس قازاقستان وبلىسى – 64
- جامبىل وبلىسى – 61
- تٷركٸستان وبلىسى – 60
- الماتى وبلىسى – 50
- پاۆلودار وبلىسى – 33
- سولتٷستٸك قازاقستان وبلىسى – 30
- اقتٶبە وبلىسى – 27
- قوستاناي وبلىسى – 21
- ماڭعىستاۋ وبلىسى – 12
- شىعىس قازاقستان وبلىسى – 8
