Foto: Úkimet
Búgingi kúni jańa mamandyqtar Atlasynda Ministrlik jetekshilik etetin salalar boiynsha 75 jańa mamandyq bar. Bul týraly Úkimet otyrysynda Ónerkásip jáne qurylys vitse-ministri Iran Sharhan málimdedi, dep habarlaidy Ult.kz.
Ol ministrlik jetekshilik etetin salalar boiynsha kadrlarǵa qajettilik shamamen 40 myń adamdy quraitynyn atap ótti. Búgingi tańda jańa kásipter atlasy ministrlik jelisi boiynsha 75 jańa kásipti qamtidy.
«Mysaly, metallýrgiia jáne taý-ken óndirisi salasynda smart júielerdi ázirleýshi, robottandyrylǵan taý tehnikasynyń operatory, mashina jasaý salasynda – virtýaldy prototipteýshi mamany, qurylysta – Big Data taldaýshysy, «Aqyldy úi» jobalaýshysy siiaqty jańa mamandyqtar paida boldy. Sonymen qatar, biznes protsesterdi avtomattandyrýǵa bailanysty 40-tan astam mamandyq ózgeriske ushyrady», — dedi Iran Sharhan.
Biyl 190 investitsiialyq jobany iske qosý barysynda mashina jasaýda taǵy 8 jańa mamandyq paida bolatyny atap ótildi. Mysaly, olardyń qatarynda 3D basyp shyǵarý jáne dánekerleý injeneri, robottandyrylǵan boiaý júieleriniń operatory bar.
Osylaisha, qol eńbegin avtomattandyrylǵan eńbek túrimen birtindep aýysýy baiqalýda. Ol qoǵamdaǵy jumysshy mamandyqtary týraly túsinikti túbegeili ózgertýge múmkindik beredi.
.jpeg)