QR Aýyl sharýashylyǵy ministrliginde QR Premer-Ministri Asqar Maminniń tóraǵalyǵymen etti mal sharýashylyǵyn damytý jóninde keńes ótti, dep habarlaidy "Ult aqparat" primeminister saityna silteme jasap.
Aýyl sharýashylyǵy ministri S. Omarov iri qara mal basyn kóbeitý jáne siyr eti óndirisin arttyrý boiynsha qabyldanyp jatqan sharalar týraly baiandady, Soltústik Qazaqstan oblysynyń ákimi Q. Aqsaqalov, Qaraǵandy oblysynyń ákimi J. Qasymbek, Pavlodar oblysynyń ákimi B. Baqaýov, Aqmola oblysynyń ákimi E. Marjyqpaev, Qostanai oblysynyń ákimi A. Muhambetov, sondai-aq, agrarlyq biznestiń birqatar ókilderi túsinikteme berip ótti.
AÓK damytýdyń 2017-2021 jyldarǵa arnalǵan memlekettik baǵdarlamasy aiasynda etti mal sharýashylyǵyn damytýdyń salalyq baǵdarlamasy júzege asyrylýda.
Búginde respýblikada 7,1 mln-nan astam iri qara mal bar, onyń ishinde sútti IQM – 4,7 mln bas, etti baǵyttaǵy IQM – 2,3 mln bas. Jyl saiynǵy ishki mal basynyń ósimi 5% quraidy. Elimizde bir jolǵy bordaqylaýdyń 279 myń bas mal ornyna arnalǵan 113 bordaqylaý alańy bar. Biyl 52 myń bas malǵa arnalǵan 24 bordaqylaý alańynyń qurylysy qarjylandyryldy. Bordaqylaý alańdaryn ainalym qarajattarymen qamtamasyz etý maqsatynda «Agroeksport» baǵdarlamasy júzege asyrylýda.
Mal sharýashylyǵy óniminiń ózindik quny qurylymyndaǵy úlesi 70% quraityn jemshóp óndirisine erekshe kóńil bólinedi. Jemshóp daqyldarynyń alqabyn biylǵy 3,3 mln gektardan 2021 jylǵa qarai 4 mln gektarǵa deiin jetkizý kózdelgen.
Keńeske qatysýshylar mal basyn kóbeitý, onyń ónimdiligin arttyrý, bordaqylaý alańdaryna jemdi jetkizýdi qamtamasyz etý sharalaryn, sondai-aq, ósimdik sharýashylyǵymen ainalysatyn sharýa qojalyqtaryn mal sharýashylyǵy salasyna tartý máselelerin talqylady.
Úkimet basshysy ókiletti memlekettik organdarǵa, sondai-aq óńirler ákimdikterine agrarlyq biznes ókilderimen birlesip Qazaqstanda etti mal sharýashylyǵyn damytý boiynsha alǵa qoiylǵan mindetterdi iske asyrýdyń ońtaily tetikterin egjei-tegjeili jáne keshendi pysyqtaýdy tapsyrdy.
Oblys ákimdikterine mal sharýashylyǵy sektoryna iri egin egetin sharýashylyqtar men jaiylym ielerin tartý arqyly aýyl sharýashylyǵyn ártaraptandyrý boiynsha júieli sharalar qabyldaý júkteldi.
