QR Ulttyq bankiniń tóraǵasy Daniiar Aqyshev Qazaqstanda "7-20-25" boiynsha alǵashqy ipotekalyq zaemdar berile bastaǵanyn resmi túrde málimdedi, dep habarlaidy "Ult aqparat" tilshisi.
«Búginnen bastap baǵdarlama iske asa bastaidy. Ekinshi deńgeili banktermen kelisimderge qol qoiyldy. Almaty, Astana, Atyraý, Oral qalalarynda alǵashqy ipotekalyq qaryzdar berilýde», - dedi Daniiar Aqyshev.
Onyń aitýynsha, jańa baǵdarlama qazaqstandyqtar tarapynan baspanaǵa suranysty arttyryp, qurylysqy tyń serpin bermek.
Aita ketsek, QR Ulttyq banki tóraǵasy atalǵan baǵdarlamanyń operatory «Baspana» ipotekalyq uiymy bolatynyn 5 mamyrda aitqan edi.
Ulttyq bank bekitken baǵdarlama boiynsha ipotekalyq qaryzdar 7% jyldyq mólsherlememen 25 jylǵa beriledi. Kelesi sharttarynyń biri - alǵashqy salym 20% bolmaq. Jańa ipotekalyq zaimdardy QR kez-kelgen azamat ala alady. Ol úshin eń basty shart - adamnyń basynda jyljymaityn múlki bolmaýy kerek. Baǵdarlama boiynsha Qazaqstannyń kez-kelgen óńirinen Almaty, Astana, Atyraý qalalarynan eń maksimaldy 25 mln teńgege, qalǵan óńirlerde 15 mln teńgege baspana satyp alýǵa bolady.
