قر ۇلتتىق بانكٸنٸڭ تٶراعاسى دانييار اقىشەۆ قازاقستاندا "7-20-25" بويىنشا العاشقى يپوتەكالىق زاەمدار بەرٸلە باستاعانىن رەسمي تٷردە مەلٸمدەدٸ, دەپ حابارلايدى "ۇلت اقپارات" تٸلشٸسٸ.
«بٷگٸننەن باستاپ باعدارلاما ٸسكە اسا باستايدى. ەكٸنشٸ دەڭگەيلٸ بانكتەرمەن كەلٸسٸمدەرگە قول قويىلدى. الماتى, استانا, اتىراۋ, ورال قالالارىندا العاشقى يپوتەكالىق قارىزدار بەرٸلۋدە», - دەدٸ دانييار اقىشەۆ.
ونىڭ ايتۋىنشا, جاڭا باعدارلاما قازاقستاندىقتار تاراپىنان باسپاناعا سۇرانىستى ارتتىرىپ, قۇرىلىسقى تىڭ سەرپٸن بەرمەك.
ايتا كەتسەك, قر ۇلتتىق بانكٸ تٶراعاسى اتالعان باعدارلامانىڭ وپەراتورى «باسپانا» يپوتەكالىق ۇيىمى بولاتىنىن 5 مامىردا ايتقان ەدٸ.
ۇلتتىق بانك بەكٸتكەن باعدارلاما بويىنشا يپوتەكالىق قارىزدار 7% جىلدىق مٶلشەرلەمەمەن 25 جىلعا بەرٸلەدٸ. كەلەسٸ شارتتارىنىڭ بٸرٸ - العاشقى سالىم 20% بولماق. جاڭا يپوتەكالىق زايمداردى قر كەز-كەلگەن ازامات الا الادى. ول ٷشٸن ەڭ باستى شارت - ادامنىڭ باسىندا جىلجىمايتىن مٷلكٸ بولماۋى كەرەك. باعدارلاما بويىنشا قازاقستاننىڭ كەز-كەلگەن ٶڭٸرٸنەن الماتى, استانا, اتىراۋ قالالارىنان ەڭ ماكسيمالدى 25 ملن تەڭگەگە, قالعان ٶڭٸرلەردە 15 ملن تەڭگەگە باسپانا ساتىپ الۋعا بولادى.
