Qazaqstanda 65 jastan asqan adamdardyń kóshede júrýine shekteý engizildi.
Bul týraly QR Bas memlekettik sanitarlyq dárigeri Aijan Esmaǵambetovanyń Qaýlysynda aitylǵan, dep habarlaidy "Ult aqparat".
«65 jastan úlken azamattarǵa azyq-túlik pen dári-dármekti jetkizýdi qamtamasyz ete otyryp, olardyń qozǵalysyn shekteý qamtamasyz etilsin», - delingen Bas sanitardyń 2020 jylǵy 26 naýryzdaǵy №27 qaýlysynda.
Odan bólek, Qaýlyda:
- 6 sáýirden bastap barlyq orta bilim berý uiymdaryn qashyqtyqtan oqytýǵa aýystyrý;
- áýejailardyń, temirjol jáne avtovokzaldardyń ǵimaratyna shyǵaryp salýshy jáne kútip alýshy adamdardyń kirýin shekteý;
- diplomatiialyq ókildikterdiń, konsýldyq mekemelerdiń jáne Qazaqstan Respýblikasynda akkredittelgen halyqaralyq uiymdar ókildikteriniń qyzmetkerleri jáne olardyń otbasy músheleri COVID-19-ǵa zerthanalyq tekserýge jáne 14 táýlik boiy úide oqshaýlaý qajettigi týraly aitylǵan.
Eske sala ketsek, qazirgi ýaqytta koronavirýs infektsiiasymen Nur-Sultan qalasy boiynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.
