Búgingi kúnde elimizde turǵyn úi kezeginde 600 myńnan astam azamat tur. Onyń 215 myńy kópbalaly otbasylar, 1 jáne 2 toptaǵy múgedekter, jetim balalar, múgedek balalary bar otbasylar siiaqty áleýmettik áljýaz toptarǵa jatady, dep habarlaidy IIDM baspasóz qyzmeti.
Eńbek jáne halyqty áleýmettik qorǵaý ministrliginiń aqparaty boiynsha, turǵyn úi kezeginde turǵan 70 myń azamattyń kirisi eń tómengi kúnkóris deńgeiin quraityndyǵy anyqtaldy. Azamattardyń bul sanatynyń olardyń múmkindikteriniń shekteýliligine bailanysty turǵyn úi máselesin sheshý qajettigi ótkir tur.
Al qalǵan azamattarǵa olardyń qarjylyq múmkindigine orai jeńildetilgen nesieleý baǵdarlamalary qarastyrylǵan.
Azamattardyń jekelegen sanattarynyń turǵyn úi máselesin sheshýdi jedeldetý boiynsha Memleket basshysynyń tapsyrmasyna sáikes jeke turǵyn úi qorynan baspanany jaldaý tólemaqysyn tóleý mehanizmi engizildi.
Halyqtyń turmysy tómen toptary úshin páter jaldaý tólemderin sýbsidiialaýdyń jańa tetigi kelesidei printsipter boiynsha júzege asady:
- jalǵa alynǵan turǵyn úi baǵasynyń 50 paiyzy biýdjet qarajaty esebinen tólenedi;
- 50 paiyzyn tólem alýshy óz esebinen tóleidi.
Azamattyń turǵyn úige muqtajdar esebinde bolýyn jáne tiisti mártebesiniń bolýyn «Otbasy bank» AQ memlekettik derekter bazasy arqyly aiqyndaidy. Ótinim qabyldaý 18 sáýirden bastaldy. Turǵyn úidi jaldaý aqysyn tóleý mehanizmi týraly, sonyń ishinde ótinim berý protsesi jaily tolyǵyraq «Otbasy bankiniń» resmi saitynan bilýge bolady. Siltemesi: https://hcsbk.kz/ru/.
