QR Aqparat jáne kommýnikatsiialar ministri Dáýren Abaev 5G jelisin engizý jaiynda aityp berdi, dep xabarlaidy "QazAqparat".
Ministrdiń aitýynsha, búginde álem boiynsha uialy bailanystyń jańa úlgisi - 5G jelisin engizý máselesi keńinen talqylanyp jatyr. Sonyń arqasynda filmderdi birneshe sekýndtyń ishinde júkteý múmkin bolmaq. Basqa da texnologiialardy jan-jaqty damytýǵa bolady.
«Biyl Qazaqstanda 5G texnologiiasyn synaqtan ótkizý josparlanyp otyr. Osydan keiin atalǵan jelini respýblika boiynsha engizý merzimi anyqtalatyn bolady», - dedi D.Abaev ministrliktiń alqa májilisinde.
Onyń aitýynsha, shalǵai jatqan aýyldarǵa talshyqty-optikalyq jeliler arqyly sapaly internetti tartý jumystary da jalǵasa beredi. Ótken jyly 144 myńnan astam adamdy qamtityn 56 aýyldy eldi meken sapaly internetpen qamtyldy. Negizgi maqsat - 1 249 eldimekendi keń jolaqty jelimen qamtamasyz etý. Jobany júzege asyrý barysynda 20 myń shaqyrymdy quraityn talshyqty-optikalyq jeli qurylysyn salý josparlanyp otyr.
Ministrdiń sózine qaraǵanda, qazirgi júie tek áleýmettik jelilerge ǵana qatysty.
Al messendjerlerge taramaidy. «Biz árbir telefonnyń ishine kire almaimyz», - dep atap kórsetti D.Abaev.
Aita keteiik, búgin Ortalyq kommýnikatsiialar qyzmetinde QR Aqparat jáne kommýnikatsiialar ministrliginiń alqa májilisi ótti.
