Foto: Úkimet
Qazaqstanda paidalanylmai jatqan jáne zańsyz berilgen 563 myń gektardan astam aýyl sharýashylyǵy jeri memleket menshigine qaitaryldy. Bul týraly Úkimettiń baspasóz qyzmeti habarlady.
2026 jyldyń basynan beri 1 million gektar aýmaqta 354 tekserý júrgizilip, 500 myń gektarǵa jýyq jer boiynsha zańbuzýshylyq anyqtalǵan. Qazir 357,5 myń gektar jerdi májbúrli túrde qaitarý máselesi sotta qaralyp jatyr.
Úkimet qaitarylǵan jerlerdi aýyl sharýashylyǵy ainalymyna engizý men jaiylym tapshylyǵyn azaitýǵa basymdyq berip otyr. Búginde josparlanǵan 13,5 million gektardyń 10,8 milliony ainalymǵa qosylǵan.
Alaida Aqtóbe oblysy, Atyraý oblysy, Mańǵystaý oblysy jáne Ulytaý oblysynda jumys qarqyny tómen ekeni aityldy.
