Foto ashyq derekkózden alyndy
Sinoptikter Qazaqstanda 7-9 jeltoqsanda aýa raiy qandai bolatyny týraly boljam jasady, - dep habarlaidy "Ult aqparat".
Meteorologtar málimetinshe, sýyq Soltústik-batys antitsiklonynyń enýimen respýblikanyń basym bóliginde jaýyn-shashynnyń toqtaýy jáne aýa temperatýrasynyń kúrt tómendeýi kútiledi, tek Qazaqstannyń shyǵysy men ońtústik oblystarynda jaýyn-shashyn (jańbyr, qar) saqtalady.
"Túnde aýa temperatýrasy batysta 10-20 gradýs aiazǵa deiin, soltústik-batysta jáne soltústikte 28-38 gradýs aiazǵa deiin, elimizdiń qiyr soltústiginde 42 gradýs aiazǵa deiin, respýblikanyń ortalyǵynda jáne shyǵysynda 28-33 gradýs aiazǵa deiin, Qazaqstannyń ońtústik óńirlerinde 5-13 gradýs aiazǵa deiin tómendeidi. Respýblika boiynsha tuman kútiledi, elimizdiń ońtústik jartysynda jel kúsheiedi" - delingen habarlamada.
