QR Premer-Ministri Asqar Mamin Úkimettiń Tsifrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵasyn retteý máselesi jóninde keńes ótkizdi. Bul týraly primeminister.kz saity habarlady.
Qazirgi jaǵdai men atqarylyp jatqan jumys týraly saýda jáne integratsiia vitse-ministri Erjan Qaldybaev, aýyl sharýashylyǵy ministri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarin, Qyzylorda oblysynyń ákimi Gúlshara Ábdiqalyqova, Nur-Sultan qalasynyń ákimi Altai Kólginov jáne t. b. baiandady.
Ótken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý indeksi 0,0% qurady. Qabyldanǵan sharalar esebinen tórtinshi apta qatarynan piiaz (-0,9%), tuz (-0,4%), kúrish (-0,3%) baǵasynyń tómendeýi baiqalady. Sondai-aq siyr eti, rojki jáne un baǵasynyń tómendeýi (-0,1%) tirkeledi. Qalǵan ónimder boiynsha baǵalar turaqty.
«Ainalym shemasyn» qarjylandyrýdyń nysanaly deńgeii el boiynsha 97,7%-ǵa qamtamasyz etildi. «Ainalym shemasy» boiynsha tiimdi jumys Nur-Sultan, Almaty jáne Shymkent qalalarynda, Almaty, Shyǵys Qazaqstan, Batys Qazaqstan, Qostanai, Soltústik Qazaqstan jáne Túrkistan oblystarynda baiqalady. Qyzylorda jáne Mańǵystaý oblystarynda júrgizilip jatqan jumystardyń deńgeii tómen bolyp qalyp otyr.
Ótken aptada Básekelestikti qorǵaý jáne damytý agenttigi Jambyl, Soltústik Qazaqstan, Qyzylorda jáne Aqtóbe oblystaryndaǵy qus eti men qant naryǵy sýbektileriniń atyna baǵalyq sóz bailasý jáne ústem jaǵdaidy teris paidalaný belgileriniń bolýy týraly 10 habarlama jiberdi.
Almaty, Atyraý jáne Shyǵys Qazaqstan oblystaryndaǵy óndirýshilermen, kóterme jetkizýshilermen jáne saýda jelilerimen monopoliiaǵa qarsy komplaenstiń 6 aktisi jasaldy. Jalpy, respýblika boiynsha monopoliiaǵa qarsy komplaenstiń 160 aktisi jasaldy.
Premer-Ministr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý, sondai-aq infliatsiianyń jalpy deńgeiin 8,5% sheginde ustap turý boiynsha jumysty jalǵastyrýdy tapsyrdy.
Óńirlerdiń ákimdikterine bes ailyq azyq-túlik qoryn qamtamasyz etý jáne baǵanyń qymbattaýyna jol bermeý úshin ýaqytyly interventsiia júrgizý tapsyryldy.
Úkimet basshysy baǵa belgileýdiń barlyq tizbegi boiynsha deldaldyq shemalardy tergeý jónindegi óńirlik komissiialardyń jumysyn jandandyrý qajettigine erekshe nazar aýdardy.
