Qazaqstanda tirkelgen jeńil kólikter sany 3,8 millionnan astamdy qurady. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
2021 jylǵy qańtar-naýryzda Qazaqstan Respýblikasynda 224 421 jeńil avtomobil tirkeldi. Bul, byltyrǵy jyldyń tiisti kezeńimen salystyrǵanda 3,5% kóp.
2021 jylǵy 1 sáýirdegi jaǵdai boiynsha, elimizde tirkelgen jeńil kólik sany 3849,9 myń birlikti qurady.
Sondai -aq statistika málimetine sáikes, biylǵy qańtar-naýryz aralyǵynda 2621 jol-kólik oqiǵasy tirkelip, 3968 adam zardap shekken. Ótken jylǵy tiisti kezeńmen salystyrǵanda apattylyq 4,3% azaidy.
2021 jylǵy 1 sáýirdegi jaǵdai boiynsha, kólik quraldary ielerine saqtandyrý uiymdary 8,8 mlrd teńge somasyna 19 627 saqtandyrý tólemin jasady.
