2019 jyldyń 1 qańtarynan bastap jinalǵan Qazaqstan azamattarynyń biryńǵai jiyntyq tóleminiń (BJT) jalpy kólemi 924,1 mln teńgege jetti, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń habarlaýynsha, 2019 jylǵy 1 qańtardan bastap 2020 jylǵy 31 qańtarǵa deiingi kezeńde BJT tóleýshiler sanatyndaǵy beiresmi jumyspen qamtylǵan 297 myń azamat jalpy somasy 924,1 mln teńgege 562,3 myń márte tólem jasaǵan.
«421,5 mln teńgelik somany elordanyń, respýblikalyq jáne oblystyq mańyzy bar qalanyń turǵyndary 166,9 myń márte tólem jasasa, 502,6 mln teńgelik 395,4 myń tólemdi basqa eldimekenderdiń turǵyndary júzege asyrdy», - dep habarlaidy ministrlikten.
Eske sala keteiik, BJT – bul beiresmi jumyspen qamtylǵan adamdarǵa jeke kásipker retinde tirkeýsiz kásipkerlik qyzmetti júzege asyrýǵa múmkindik beretin rejim. BJT jyldyq jiyntyq tabysy 1 175 AEK (2020 jyly – 3 mln 115 myń teńge) aspaityn jeke tulǵalarǵa qyzmet kórsetetin azamattar úshin engizilgen. Ol 4 tólem - jeke tabys salyǵyn, zeinetaqy jarnalaryn, áleýmettik aýdarymdardy, áleýmettik meditsinalyq saqtandyrý júiesine aýdarymdardy qamtidy.
Qala men aýyl turǵyndarynyń kiristerindegi aiyrmashylyqty eskere otyryp, qala turǵyndary úshin BJT mólsheri 1 AEK nemese 2 651 teńgeni qurasa, aýyl turǵyndary úshin - 0,5 AEK, iaǵni 2020 jyly 1 325,5 teńge shamasynda bolyp otyr.
Biryńǵai jiyntyq tólemniń úlesi:
- 10 % – jeke tabys salyǵy;
- 20 % - Memlekettik áleýmettik saqtandyrý qoryna áleýmettik aýdarymdar;
- 30 % - Biryńǵai jinaqtaýshy zeinetaqy qoryna zeinetaqy jarnalary;
- 40 % - mindetti áleýmettik meditsinalyq saqtandyrý qoryna aýdarymdar.
BJT tóleý azamattarǵa mynadai múmkindikter beredi:
- mindetti áleýmettik meditsinalyq saqtandyrý júiesine qatysý jáne MÁMS engizgennen keiin meditsinalyq mekemeni tańdaý quqyǵymen meditsinalyq qyzmet alý;
- jinaqtaýshy zeinetaqy júiesine qatysý jáne júiege qatysý ótiline bailanysty bazalyq zeinetaqy tólemin alý. BJT tóleýshiler ózderiniń jinaqtaryn Biryńǵai jinaqtaýshy zeinetaqy qorynda tolyqtyrý, eńbek ótiline bailanysty joǵary mólsherde bazalyq zeinetaqy alý múmkindigine ie bolady;
- eńbek etý qabiletinen aiyrylǵan, asyraýshysynan aiyrylǵan, júktilik pen bosaný, bala asyrap alǵan, bala kútimi jaǵdailarynda áleýmettik tólemder alý.
