Búgin - Dúniejúzilik úkimettik emes uiymdar kúni. Osyǵan orai elordadaǵy respýblikalyq volonterlerdiń front-keńsesinde birqatar sharalar ótti, dep habarlaidy "Ult aqparat".
«2014 jyldan bastap Dúniejúzilik úkimettik emes uiymdar kúni atalyp ótedi. Búgingi tańda elimizde 29 myń osyndai uiym bar. Ókinishke orai, olardyń kóbi belsendi emes. Úkimettik emes uiymdarǵa maqsatqa jetý jáne ártúrli sharalar ótkizý úshin 20 mlrd teńge bólinedi. Búgingi otyrysqa qatysýshylardyń árqaisysy azamattyq qoǵamnyń damý kontseptsiiasyn daiyndady», - deidi QR Aqparat jáne qoǵamdyq damý vitse-ministri Ǵabidýlla Ospanqulov.
Úkimettik emes uiymdar kúnin atap ótý barysynda sheberlik synyptary, áleýmettik jobalar kórmesi ótti.
«Búgin áriptesterimizben kásibi merekemizdi atap ótý úshin jinaldyq. Qazaqstan boiynsha jumys istep, áleýmettik máselelerdi sheship júrgen kommertsiialyq emes uiymdarǵa alǵys aitamyz. Olar erekshe qajettiligi bar balalarmen jumys isteidi, AIV jáne týberkýlezge qatysty máselelerdi sheshedi, sondai-aq adamdardyń quqyǵyn qorǵaidy», - deidi «KAMEDA» qoǵamdyq qorynyń direktory, Nur Sultan qalasynyń Azamattyq bastamalar ortalyǵynyń jetekshisi Mahabbat Espenova.
