15 mamyrdaǵy jaǵdai boiynsha 2,9 mln-nan astam qazaqstandyq tótenshe jaǵdai rejiminde tabysynan aiyrylýyna bailanysty 42 500 teńgeni ekinshi ret aldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Tólemdi esepteý úshin alǵashqy ai retinde 16 naýryzdan bastap 15 sáýir aralyǵy alynady. Qazirgi tótenshe jaǵdai boiynsha ekinshi ai - 16 sáýirden 11 mamyrǵa deiin.
Joǵaryda aitylǵandarǵa sáikes, 16 sáýirge deiin ótinish bergen azamattar (áleýmettik járdemaqylar taǵaiyndaý qashan jasalǵanyna qaramastan), tótenshe jaǵdai kezinde tabysynan aiyrylýyna bailanysty Memlekettik áleýmettik saqtandyrý qorynan tólemder taǵaiyndaý erejesinde kórsetilgen sharttardy saqtai otyryp, «42 500 teńge» tólemge ekinshi aida úmitker bola alady. 16 sáýirden bastap 11 mamyr kúni saǵat 18.00-ge deiin ótinish bergen azamattar bir ret tólem alýǵa úmitker bola alady.
Esterińizge sala keteiik, tótenshe jaǵdai rejimi toqtatylýyna bailanysty 11 mamyr saǵat 18.00-den bastap 42 500 teńge taǵaiyndaýǵa jańa ótinish qabyldaý aiaqtaldy.
Joǵaryda kórsetilgen merzimge deiin kelip túsken barlyq ótinish belgilengen tártippen qaralady jáne ótinish tiisti sharttarǵa sáikes kelgen jaǵdaida 42 500 teńge taǵaiyndalyp, tólenedi.
Buryn berilgen ótinishti qaraý mártebesin 42500.enbek.kz saitynan bilýge bolady.
42 500 teńge tólemi engizilgen sátten bastap ony 4,5 mln adam aldy.
