Energetika ministri Bolat Aqsholaqov taý-ken jáne balqytý kásiporyndary belsendi túrde kómirden gazǵa kóshetin bolsa Qazaqstan 2025 jylǵa qarai gaz tapshylyǵyna ushyraýy múmkin ekenin aitty, - dep habarlaidy Tengrinews.kz.
Ministrdiń aitýynsha, 2017-2021 jyldar aralyǵynda ishki gaz tutyný 4,8 milliard tekshe metrge, 13,8-den 18,6 milliard tekshe metrge deiin ósken. Sonymen birge, onyń aitýynsha, gaz tutynýdyń ortasha jyldyq ósimi shamamen jeti paiyz.
"Qazaqstanda 2025 jylǵa qarai gaz tapshylyǵy bolýy múmkin. Alaida taý-ken metallýrgiia kásiporyndary kómirden gazǵa belsendi kóshetin bolsa, onda tapshylyqtyń kólemi de ulǵaiady. Osy jaǵdailarda eldiń resýrstyq bazasyn tolyqtyrý týraly másele týyndaidy, ol úshin gazdy barlaý, óndirý jáne qaita óńdeý siiaqty barlyq kezeńderde gaz jobalary úshin preferentsiialar qajet. Sonymen qatar, jer qoinaýyn paidalanýshylar úshin investorlardy yntalandyrý baǵasyn berý máselesi pysyqtalyp jatyr", - dedi Aqsholaqov Senatta ótken Úkimet saǵatynda.
Ministr 2021 jyldyń qorytyndysy boiynsha shiki gaz óndirý 53,8 milliard tekshe metrge jetkenin aitty. Onyń ishinde úsh iri jobanyń úlesine gaz óndirýdiń 81 paiyzy tiesili. Aqsholaqov atap ótkendei, óndirilgen jalpy gazdyń 32 paiyzy qysymdy ustap turý úshin keri aidaldy, 20 paiyzy jer qoinaýyn paidalanýshylardyń óz qajettilikterine, elektr energiiasyn óndirýge jáne kádege jaratýǵa paidalanyldy, sondai-aq 48 paiyzy taýarlyq gazǵa qaita óńdeldi.
"2030 jylǵa qarai boljamdyq derekterge sáikes shiki gaz óndirý 87,1 milliard tekshe metrdi quraidy, onyń ishinde úsh iri jobanyń óndirý úlesi 83 paiyz. Sonymen qatar, óndirilgen 87,1 milliard tekshe metr gazdyń tek 42 milliard tekshe metri taýarlyq gazǵa qaita óńdeletin bolady. Qalǵan gaz qaitadan qabatqa aidalady (47 paiyz) jáne óz muqtajdaryna paidalanylady (15 paiyz). Qazirgi ýaqytta biz gaz aidaýdyń úlken kóleminiń oryndylyǵyn qaita qaraýmen belsendi jumys istep jatyrmyz. Atap aitqanda, Qarashyǵanaq jobasy boiynsha óndiriletin gazdyń 19 milliard tekshe metriniń jartysyna jýyǵy qaitadan qabatqa aidalady", - dep tolyqtyrdy vedomstvo basshysy.
Aqsholaqov Prezidenttiń tapsyrmasy boiynsha sheteldik investorlar Keńesimen birlesip jer qoinaýyn paidalanýǵa arnalǵan jaqsartylǵan modeldik kelisimshartty ázirleý sheńberinde gazdy óndirý jáne óńdeý kezeńinde salyqtyq bosatý jáne basqa da yntalandyrý sharalary túrinde gaz jobalary úshin fiskaldyq preferentsiialar kózdelgen.
Ol sondai-aq, elimizde gaz salasyn damytýdyń keshendi jospary ázirlengenin, onda perspektivaly gaz ýchaskelerin damytýdyń birqatar is-sharalary kózdelgenin atap ótti.
