Qazaqstanda 2019 jyldyń 1 qańtarynan onlain-saqtandyrý engiziledi. Bul týraly QR Ulttyq bank baspasóz qyzmeti habarlady.
«Qazaqstan Ulttyq banki «Qazaqstan Respýblikasynyń keibir zańnamalyq aktilerine saqtandyrý jáne saqtandyrý qyzmeti, baǵaly qaǵazdar naryǵy máseleleri boiynsha ózgerister men tolyqtyrýlar engizý týraly» 2018 jylǵy 2 shildedegi № 166-VI Qazaqstan Respýblikasynyń Zańymen onlain-saqtandyrýǵa jáne elektrondyq nysandaǵy saqtandyrý polisiniń zańdylyǵyn bekitýge qatysty zańnamalyq túzetýler engizilgenin habarlaidy. 2019 jylǵy 1 qańtardan bastap saqtandyrý uiymdarynyń klientteri saqtandyrý sharttaryn internet-resýrstardy paidalana otyryp, elektrondyq nysanda jasasyp, saqtandyrý polisin elektrondyq nysanda resimdei alady», - delingen habarlamada.
Sharttyń elektrondyq nysany mindetti saqtandyrýdyń barlyq túrleri boiynsha engiziledi. Onlain-saqtandyrý engizilgennen bastap mindetti saqtandyrý sharttary boiynsha qaǵazdaǵy polisterdiń ainalysy joiylady. Saqtandyrý shartyn jasasý faktisi saqtandyrý boiynsha biryńǵai derekqorǵa suratý jiberý arqyly tekseriledi. Avtokólik ieleriniń ákimshilik politsiianyń qyzmetkerlerine saqtandyrý polisin usynýy qajet emes.
Onlain-saqtandyrýdy engizý halyq pen biznes úshin saqtandyrýdyń qunyn arzandatýǵa, sharttardy ofiske barmai-aq nemese deldaldardyń qatysýynsyz saqtandyrý kompaniialarynyń internet-resýrstary arqyly tikelei jasasý múmkindigin beredi, sondai-aq saqtandyrý tólemderin alýdy jedeldetedi. Saqtandyrý kompaniialary kólik quraldary ieleriniń azamattyq-quqyqtyq jaýapkershiligin mindetti saqtandyrý sharttaryn elektrondyq nysanda jasasý kezinde 10 paiyzǵa deiin jeńildik berýge quqyly.
