قازاقستاندا 2019 جىلدىڭ 1 قاڭتارىنان ونلاين-ساقتاندىرۋ ەنگٸزٸلەدٸ. بۇل تۋرالى قر ۇلتتىق بانك باسپاسٶز قىزمەتٸ حابارلادى.
«قازاقستان ۇلتتىق بانكٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ساقتاندىرۋ جەنە ساقتاندىرۋ قىزمەتٸ, باعالى قاعازدار نارىعى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» 2018 جىلعى 2 شٸلدەدەگٸ № 166-VI قازاقستان رەسپۋبليكاسىنىڭ زاڭىمەن ونلاين-ساقتاندىرۋعا جەنە ەلەكتروندىق نىسانداعى ساقتاندىرۋ پوليسٸنٸڭ زاڭدىلىعىن بەكٸتۋگە قاتىستى زاڭنامالىق تٷزەتۋلەر ەنگٸزٸلگەنٸن حابارلايدى. 2019 جىلعى 1 قاڭتاردان باستاپ ساقتاندىرۋ ۇيىمدارىنىڭ كليەنتتەرٸ ساقتاندىرۋ شارتتارىن ينتەرنەت-رەسۋرستاردى پايدالانا وتىرىپ, ەلەكتروندىق نىساندا جاساسىپ, ساقتاندىرۋ پوليسٸن ەلەكتروندىق نىساندا رەسٸمدەي الادى», - دەلٸنگەن حابارلامادا.
شارتتىڭ ەلەكتروندىق نىسانى مٸندەتتٸ ساقتاندىرۋدىڭ بارلىق تٷرلەرٸ بويىنشا ەنگٸزٸلەدٸ. ونلاين-ساقتاندىرۋ ەنگٸزٸلگەننەن باستاپ مٸندەتتٸ ساقتاندىرۋ شارتتارى بويىنشا قاعازداعى پوليستەردٸڭ اينالىسى جويىلادى. ساقتاندىرۋ شارتىن جاساسۋ فاكتٸسٸ ساقتاندىرۋ بويىنشا بٸرىڭعاي دەرەكقورعا سۇراتۋ جٸبەرۋ ارقىلى تەكسەرٸلەدٸ. اۆتوكٶلٸك يەلەرٸنٸڭ ەكٸمشٸلٸك پوليتسييانىڭ قىزمەتكەرلەرٸنە ساقتاندىرۋ پوليسٸن ۇسىنۋى قاجەت ەمەس.
ونلاين-ساقتاندىرۋدى ەنگٸزۋ حالىق پەن بيزنەس ٷشٸن ساقتاندىرۋدىڭ قۇنىن ارزانداتۋعا, شارتتاردى وفيسكە بارماي-اق نەمەسە دەلدالداردىڭ قاتىسۋىنسىز ساقتاندىرۋ كومپانييالارىنىڭ ينتەرنەت-رەسۋرستارى ارقىلى تٸكەلەي جاساسۋ مٷمكٸندٸگٸن بەرەدٸ, سونداي-اق ساقتاندىرۋ تٶلەمدەرٸن الۋدى جەدەلدەتەدٸ. ساقتاندىرۋ كومپانييالارى كٶلٸك قۇرالدارى يەلەرٸنٸڭ ازاماتتىق-قۇقىقتىق جاۋاپكەرشٸلٸگٸن مٸندەتتٸ ساقتاندىرۋ شارتتارىن ەلەكتروندىق نىساندا جاساسۋ كەزٸندە 10 پايىزعا دەيٸن جەڭٸلدٸك بەرۋگە قۇقىلى.
