Ótken táýlikte Qazaqstanda 1739 adamnyń analizinen kornavirýs tabyldy. Densaýlyq saqtaý ministrliginiń habarlaýynsha, eki kún buryn 121 adamnan koronavirýs pnevmoniiasy tabylǵan. 32 adam qaitys bolǵan: 28 adam – koronavirýstan, 4 adam koronavirýs pnevmoniiasynan kóz jumdy dep aitylady.
Ótken táýlikte Almatyda – 310, Qaraǵandy oblysynda – 319, Nur-Sultanda – 293, Aqmola oblysynda – 130, Almaty oblysynda – 96, Pavlodar oblysynda – 87, Batys Qazaqstan oblysynda 87 adamnan koronavirýs anyqtaldy. Shymkentte – 62, Aqtóbe oblysynda – 36, Atyraý oblysynda – 64, Shyǵys Qazaqstan oblysynda – 75, Jambyl oblysynda – 21, Qostanai oblysynda – 40, Qyzylorda oblysynda – 10, Mańǵystaý oblysynda – 46, Soltústik Qazaqstan oblysynda – 39, Túrkistan oblysynda 24 naýqas tirkelgen.
2020 jyldyń 13 naýryzynan beri 378 311 adamnyń PTR testi oń shyqqan, 3856-y qaitys bolǵan.
Qazaqstan biligi koronavirýs pnevmoniiasyna shaldyqqandardy Covid statistikasyna engizbegen. Biraq halyqaralyq uiymnyń yqpalymen ótken jyldyń 1 tamyzynan beri esepke ala bastaǵan. Sodan beri 54 837 adamǵa koronavirýs pnevmoniiasy diagnozy qoiylǵan. 3349-y qaitys bolǵan.
Ótken aptada Qazaqstan densaýlyq saqtaý ministrligi indet bastalǵaly beri bir jyl tórt ai ishinde tirkelgen derekter"naqtylanǵannan keiin" koronavirýstan qaitys bolǵandar deregine 2 myńnan astam adam ólimin engizgen.
26 mamyr kúngi málimet boiynsha, Qazaqstanda 2 mln 35 myń adamǵa koronavirýsqa qarsy vaktsinanyń keminde alǵashqy dozasy salynǵan. 973 myńnan astam adam vaktsinanyń eki dozasyn alǵan.
Osy aptada densaýlyq saqtaý ministri Aleksei Tsoi elde epidemiologiialyq ahýaldyń turaqtalǵanyn aitqan. Qazir Atyraý, Aqmola, Qaraǵandy oblystary, Almaty men Nur-Sultan qalalary "qyzyl aimaqta" tur. Pavlodar, Batys Qazaqstan oblysy, Aqtóbe oblysy, Qostanai oblysy, Soltústik Qazaqstan oblysy "sary aimaqta" tur. Qalǵany oblystar - "jasyl aimaqta".
26 mamyrdaǵy málimet boiynsha Qazaqstanda 31 232 adam koronavirýs infektsiiasynan (30 667 KVI+ jáne 565 KVI-) emdelip jatyr.
Olardyń ishinde 11 986 patsient statsionarda, 19 246 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 668 adamnyń jaǵdaiy aýyr,
• 171 patsienttiń jaǵdaiy óte aýyr,
• 107 naýqas jasandy tynys alý apparatynda apparatynda jatyr.
Amerikalyq Djons Hopkins ýniversitetiniń málimeti boiynsha, álemde koronavirýs juqtyrǵandar 167 mln adamǵa jetken. 3 mln 481 myń adam virýstan qaitys bolǵan.
