Pandemiiaǵa qaramastan Qazaqstan eldi mekenderin internetpen qamtý jumystary jalǵasýda. Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aityp berdi, dep habarlaidy QazAqparat.
«Halyqty tolǵandyratyn eń basty másele – sapaly internetke qoljetimdilikti ulǵaitý bolyp otyr. Elimizdegi 18,7 mln halqymyz 6500-ge jýyq eldi mekende turady. Solardyń ishinen 4 751 eldi mekende túrli tehnologiialar boiynsha (3G, 4G, optika-talshyq jáne t.b.) jalpy internet bar deýge bolady. Osylaisha elimizdegi 17,5 mln halyq internetpen qamtylǵan», - dedi ministr Ortalyq kommýnikatsiialar qyzmetinde ótken brifingte.
Onyń aitýynsha, internet sapasyn ulǵaitý maqsatynda eki aýqymdy joba iske asyrylady.
«Birinshi joba «Aýylǵa optika tartý» dep atalady. Osy joba aiasynda 1257 aýylǵa optikalyq jeliler tartý kózdelgen jáne 75 mlrd teńge somasynda operatorlardan investitsiia tartylǵan. Biyl pandemiiaǵa qaramastan 944 aýylǵa optika jelilerin tartamyz. Ázirge 835 eldi mekenge optika jelileri jetkizilgen, 3500 memlekettik nysanǵa – mektepter, aýrýhanalar, ákimdikterge internet tartylǵan. Biraq internet te sý men gaz tartqandai bolady. Mysaly, aýylǵa jalpy sý kelse, ony aýyl ishinde taratý basqa másele. Sol sekildi optikany da aýylǵa jetkizdik, al aýyl ishindegi úilerge internet jetkizý máselesi basqa joba aiasynda sheshiledi. Osy joba aiasynda Sharing kelisimshartyna qol qoidy. Ol degenimiz barlyq úsh mobildik operator úsh qurylǵy ornatpai, bir qurylǵy arqyly qyzmet kórsete alady», - dedi B. Mýsin.
