1 qarashadaǵy jaǵdai boiynsha Qazaqstan aýmaǵynda 16 059 sheteldik azamat jergilikti atqarýshy organdardyń ruqsatymen eńbek etýde, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«Sheteldik jumys kúshin tartýǵa berilgen ruqsattardyń ishinde mynadai sanattar bar: birinshi sanat – 647 (basshy jáne olardyń orynbasarlary), ekinshi sanat – 3 222 (qurylymdyq bólimshe basshylary). Jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 7 746 adam jáne 718 adam. Sondai-aq maýsymdyq jumysqa – 1 769 adam, al korporativtik aýystyrý sheńberinde – 1 957 adam tartylǵan», delingen ministrliktiń málimetinde.
Vedomstvonyń habarlaýynsha, qazirgi ýaqytta Qazaqstanda sheteldikterdi jumysqa tartqan 1 739 jumys berýshi bar. Olarda shamamen 458 myńnan astam Qazaqstan azamaty jumys isteidi, bul jalpy jumysshy sanynyń 97%-y.
«Eńbekshi migranttar shyǵatyn negizgi elder kelesi: Qytai – 4 068 adam, Túrkiia – 2 069 adam, Ózbekstan – 1 782 adam, Úndistan – 1 212 adam, Ulybritaniia – 1 047 adam», delingen habarlamada.
Eske sala keteiik, ishki eńbek naryǵyn qorǵaý maqsatynda, Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa arnalǵan kvota belgileidi. 2021 jyly kvota mólsheri jumys kúshine shaqqanda 29,3 myń adam nemese 0,31%.
