Foto: kaspersky.ru
Qarjylyq monitoring agenttigi kriptovaliýtaǵa qatysty kóleńkeli operatsiialarǵa qarsy júieli kúres júrgizip keledi, dep habarlaidy Ult.kz.
Agenttik málimetine sáikes, internet-alaiaqtyq jáne esirtki saýdasynan túsken kiristerdi jylystatý úshin paidalanylǵan 130 zańsyz kriptovaliýta alańynyń (kriptobirja) qyzmeti toqtatylǵan.
Tergeý barysynda jalpy somasy 16,7 mln USDT kólemindegi tsifrlyq aktivterge tyiym salyndy.
– Qarjy jylystatý shemasynda qylmystyq jolmen alynǵan qarajat aldymen bank shottaryna nemese kriptovaliýta aiyrbastaý qyzmetterin kórsetetin ámiiandarǵa aýdarylady. Odan ári bul qarajat konvertatsiialanyp, túrli qarjylyq operatsiialar tizbegi arqyly aqshanyń shyqqan kózi jasyrylyp, zańsyz tabys "tazartýǵa" jiberiledi. Mundai qyzmet úshin arnaiy aqy alynady, – dep habarlady vedomstvodan.
Kóbinese mundai operatsiialarda dropperlerdiń bank kartalary men elektrondyq ámiiandary paidalanylady. Osylaisha, zańsyz kriptoaiyrbastaý alańdary kóleńkeli qarjy ainalymyna qatysyp, qolma-qol aqshaǵa ainaldyrý jáne shetelge shyǵarý arqyly "kásibi jylystatýshylar" retinde áreket etedi.
Qarjylyq monitoring agenttigi azamattarǵa tsifrlyq aktivterdi aiyrbastaý kezinde tek resmi tirkelgen, litsenziialanǵan jáne zań aiasynda jumys isteitin provaiderlerdiń qyzmetin paidalanýǵa keńes beredi. Litsenziialanǵan kriptobirjalardyń tizimimen Astana halyqaralyq qarjy ortalyǵynyń (AHQO) resmi saitynda tanysýǵa bolady. Vedomstvo zańsyz qarjy shemalaryna qatysý qylmystyq jaýapkershilikke ákeletinin eskertedi.
Aita keteiik, qazirgi ýaqytta Ulttyq bank kriptorezerv tujyrymdamasyn ázirleý ústinde.
