Elimizde 130 myńǵa jýyq jumys berýshi 705 myń qyzmetkeriniń jalaqysyn kóterýge ázir, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«Memleket basshysynyń Joldaýynda aitylǵandai 2019 jyldyń 1 qańtarynan bastap eń tómengi eńbekaqy alatyn jumysshylardyń jalaqysyn kóterýdi júzege asyrý aiasynda, elimizde jalpy jumysshy sany 1,5 mln adamdy quraityn 128,7 myńǵa jýyq jumys berýshi 705,4 myń jumyskerdiń jalaqysyn kóterýge daiyn ekendikterin bildirdi», - delingen habarlamada.
1 235 kásiporyn iri kásipkerlik sýbektilerine jatady, 1711 - ortasha, 125 myńy shaǵyn kásipkerlik.
Joǵaryda kórsetilgen kásiporyndarda eń tómengi eńbekaqy alatyn jumyskerlerdiń ortasha jalaqysy 18% ósedi, iaǵni 41,5 myńnan 55,2 myń teńgege deiin jetedi.
Eske sala ketsek, osy jyldyń 5 qazanynda Qazaqstan Resýpblikasynyń Prezidenti Nursultan Nazarbaev Qazaqstan halqyna «Qazaqstandyqtardyń ál-aýqatynyń ósýi: Tabys pen turmys sapasyn arttyrý» Joldaýyn jariialaǵan bolatyn. «Úkimetke 2019 jyldyń 1 qańtarynan bastap eń tómengi jalaqyny 1,5 ese, 28 myńnan 42 myń teńgege deiin ósirýdi tapsyramyn. Bul árbir qazaqstandyq úshin shynaiy kómek bolady. Bul barlyq salalarda, barlyq menshik formasyndaǵy kásiporyndarda jumys isteitin 1 mln 300 myń adamnyń eńbekaqysyn kóterýge septigin tigizedi», - dedi Elbasy.
