2019 jyldyń 1 qańtarynda Qazaqstanda qarttar úiinde turatyn zeinetkerler sany 12 754-ke jetti, dep habarlaidy "Ult aqparat" Statistika komitetine silteme jasap.
2018 jyldyń sońyna qarai Qazaqstanda arnaýly áleýmettik qyzmet kórsetetin uiymdar sany 249 bolsa, sonyń 155-i - statsionarlyq tiptegi, 63-i - jartylai statsionarlyq, 30-y - ýaqytsha turatyn, taǵy bireýi - arnaýly áleýmettik kómek kórsetýdiń birneshe sharttary bar uiym.
Atalǵan uiymdarda jalpy 44 433 adam turady, sonyń 42,9%-y, iaǵni 19 077-si áielder. Statsionarlyq uiym turǵyndarynyń sany - 29 191, jartylai statsionarlyq uiymda 12 572 adam, ýaqytsha uiymdarda 2 378 adam, arnaýly áleýmettik kórsetýdiń birneshe sharttary bar uiymda 292 adam turady.
Arnaýly áleýmettik kórsetý uiymdary turǵyndarynyń 12 754-i zeinetker. Sonyń 5 965-i týysy joq jalǵyzbasty qarttar bolsa, 2 186 adamnyń turǵylyqty mekenjaiy joq. Aqy tólep turatyndar da bar, olardyń sany - 638. Sondai-aq 590 adam - bas bostandyǵynan aiyrý mekemelerindegi jazasyn ótep, bostandyqqa shyqqandar. Zeinetkerlerdiń 90-y Uly Otan soǵysyna qatysqan, olardyń ishinde UOS múgedekteri de bar. Qarttar úiin panalap kelgen taǵy 41 zeinetker turmystaǵy zorlyq-zombylyqtan japa shekken.
