Qazaqstanda 12 myń zeinetaqy alýshynyń eńbek ótili joq. Bul týraly QR Eńbek jáne halyqty áleýmettik qorǵaý vitse-ministri Svetlana Jaqypova Ortalyq kommýnikatsiialar qyzmetinde ótken baspasóz máslihatynda málim etti, dep habarlaidy QazAqparat tilshisi.
«Zeinetaqy alýshylar sany boiynsha bizde eki kórsetkishtiń bar ekenin eskergen jón. Birinshi kórsetkish - bazalyq zeinetaqy alatyndar, olardyń sany búginde 2 mln 139 myńdy quraidy. Ekinshi kórsetkish - yntymaqtastyrylǵan zeinetaqy alatyn 2 mln 127 myń adam", - dedi vitse-ministr.
S.Jaqypova eki kórsetkish arasyndaǵy aiyrmashylyq sebebin túsindirip berdi.
«Sebebi, olardyń arasynda eńbek ótili joq, bazalyq zeinetaqy ǵana taǵaiyndalǵan qarttar bar. Iaǵni, 2 mln 139 myń jáne 2 mln 127 myń adamnyń arasyndaǵy aiyrmashylyq osy - eńbek ótili atymen joq 12 myń adam", - dep túsindirdi ol.
