Foto: Úkimet
Úkimet otyrysynda Ónerkásip jáne qurylys vitse-ministri Iran Sharhan jer qoinaýyn paidalaný jáne geologiialyq barlaý salasyndaǵy qazirgi ahýal týraly baiandady, dep habarlaidy Ult.kz.
Onyń aitýynsha, elimizde 103-ten astam túrli paidaly qazba jáne 10 myńǵa jýyq ken orny memlekettik esepke alynǵan. Sonymen qatar 2,9 myńnan astam litsenziia jáne qatty paidaly qazbalar boiynsha 250-ge jýyq kelisimshart qoldanysta.
«Geologiialyq barlaý nátijesinde alǵash ret bes ken orny — Kók-Jon, Altyn-Shoko, Samombet, Stýdencheskii jáne Taqyr-Qaljyr memlekettik esepke alyndy. Osy arqyly qor kólemi 98 tonna altynǵa, 36 myń tonna mysqa, 11 million tonna marganetske jáne 1,3 million tonna fosforitke artty», — dedi vitse-ministr.
