Foto: pexels.com
Elimizde 100 jasaǵan jáne odan da úlken jastaǵy 423 azamat bar. Jasy eń úlken keiýana Ulytaý oblysynda turady, aq jaýlyqty ájemiz biyl 114 jasqa tolǵan týǵan kúnin atap ótti, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Eń kóp ómir súretinder elimizdiń ońtústik óńirinde kóbirek deýge bolady eken. Máselen Túrkistan oblysynda 100 jáne odan joǵary jastaǵy 64 adam bar.
Uzaq ómir súrýshiler sany boiynsha elimizdegi ekinshi orynda eń iri qalamyzdyń biri – Almaty. Qazir Almaty qalasynda 100 jastan asqan 48 adam turady.
Uzaq ómir súretinder sany boiynsha úshinshi orynda Almaty oblysy tur, onda 100 jáne odan joǵary jastaǵy 38 adam turady.
Eń qart qazaqstandyqtardyń úshtigine Ulytaý oblysynyń turǵyny – 114 jas, Pavlodar oblysy – 112 jas, Túrkistan oblysy – 110 jas kirdi.
Esterińizge sala keteiik, jyl saiyn búkil álemde, onyń ishinde Qazaqstanda da 1 qazanda Halyqaralyq qarttar kúni atap ótiledi. Bul merekeni 1990 jyly 14 jeltoqsanda Birikken Ulttar Uiymynyń Bas Assambleiasy 45 sessiiada jariialady.
Ony ótkizýdiń basty maqsaty – egde jastaǵy adamdardyń memleket pen qoǵam aldyndaǵy eńbegin qurmetteý jáne taný, sondai-aq olardyń problemalary men qajettilikterine, ómir súrý sapasyn arttyrý qajettiligine nazar aýdarý, olarǵa jalpyǵa birdei qamqorlyq kórsetý.
Buǵan deiin 116 jastaǵy japoniialyq áiel álemdegi eń qart adam atanǵany týraly jazǵan bolatynbyz.
