Mediatalks aiasynda joba jeńimpazdarynyń almatylyqtarmen kezdesýi kezinde «100 jańa esim» jobasyn jalǵastyrý týraly usynys aityldy, dep habarlaidy QazAqparat tilshisi.
Almatylyqtarmen kezdesý barysynda joba jeńimpazdary sahnaǵa kezekpen shyǵyp, ózderiniń tabysqa jetý joldarymen bólisti, sondai-aq, adamdardy ózderiniń jáne ózgelerdiń de ómirin jaqsarta alatyndaryna sendirdi.
Paralimpiada sportshysy Serik Esmatov sóz sóileý kezinde adamdardy rýhtandyryp, «100 jańa esim» jobasynyń mańyzdylyǵy jaiynda aityp ketti.
«20 jyl ishinde bir shyndyqqa kóz jetkizdim. Ainalańdy ózgertý arqyly ózińdi de, qorshaǵan ortańdy da ózgertetiniń týraly oi odan saiyn rýhtandyra túsedi. Óz ómiriń men ózgeniń ómirin jaqsartýda bir mán jatqandai. Munyń barlyǵyn jasaityn siz ben biz. Qarapaiym bolsaq ta, jahandyq máselelerdi birigip, jumyla sheshe alamyz. «100 jańa esim» jobasy barlyǵymyzǵa Qazaqstan qolynan barlyǵy keletin keremet adamdardyń otany ekenin kórsetti dep oilaimyn. Men bizdiń kóp bolǵanymyzdy jáne osy sahnada bizdiń zamannyń batyry atanǵan adamdardy tanyǵanymyzdy qalaimyn. Jobanyń ekinshi tolqyny bizdiń elge jańa esimderdi ákelip, jetistikter men jańa rýh beretinine senimim mol. Joba uiymdastyrýshylarynan jańa esimderdi anyqtaýlaryn suraimyn! Men, Serik Esmatov, esh berilmeimin!» - dedi sportshy.
Jobaǵa oń kózqaras tanytyp, onyń qoǵamdaǵy róli týraly kelesi qatysýshy Aziz Zairov ta aita ketti.
«Biz qazir adamdarǵa jaqyndai tústik. Jobalarymyz iske qosylsa, qoǵamǵa paidasyn ákeler kóp is tyndyramyz. «100 jańa esim» tizimine kirgen ekenmin, muqtaj jandarǵa barynsha paidamdy ákelý úshin tyrysamyn», - dedi Zairov.
Qazmedia ortalyǵynyń media mektebiniń direktory, Qazaqstannyń 100 jańa esimin izdeý boiynsha bastamashy toptyń ókili, Media Talks uiymdastyrýshysy Mahabbat Esen.
«Memleket óziniń batyrlaryn bilip jatqany jáne aitýǵa turarlyq adamdardyń bary - keremet. Halyq ózi qalasa, jobany jalǵastyrýǵa esh kedergi joq dep oilaimyn», - dedi M.Esen.
.jpeg)