Qazaqstannan sońǵy on jylda shetelge 100 milliard teńgege jýyq qarjy zańsyz shyǵaryldy dep málimdedi bas prokýrordyń orynbasary Andrei Kravchenko. Jergilikti agenttikterdiń habarlaýynsha, Kravchenko bul týraly búgin Astanada ótip jatqan jymqyrylǵan aktivterdi qaitarýǵa qatysty seminarda aitqan.
Kravchenkonyń sózine qaraǵanda, sońǵy 10-15 jyl aralyǵynda shetelge zańsyz shyǵarylǵan qarjynyń naqty somasyn aitý qiyn.
"Biz barlyǵyn emes, eń iri qylmystyq ister boiynsha qarjyny sanadyq. Sońǵy 10 jylda mundai qylmys sany shamamen 200-ge jetetin shyǵar. Qazir osy qylmystyq ister boiynsha 100 milliardtai teńge shyǵarylǵany anyqtaldy. Bul somanyń 30 paiyzdaiy Qazaqstanǵa qaitaryldy" dedi Kravchenko.
Bas prokýrordyń orynbasary qarjy zańsyz túrde negizinen Soltústik Amerika men Eýropa elderine jáne offshorlyq aimaqtarǵa shyǵarylatynyn aitady. Shetelge shyǵarylǵan qarjyny qaitarý úshin 30-ǵa tarta halyqaralyq kelisim jasalynǵan.
Ult portaly
