قازاقستاننان سوڭعى ون جىلدا شەتەلگە 100 ميلليارد تەڭگەگە جۋىق قارجى زاڭسىز شىعارىلدى دەپ مەلٸمدەدٸ باس پروكۋروردىڭ ورىنباسارى اندرەي كراۆچەنكو. جەرگٸلٸكتٸ اگەنتتٸكتەردٸڭ حابارلاۋىنشا, كراۆچەنكو بۇل تۋرالى بٷگٸن استانادا ٶتٸپ جاتقان جىمقىرىلعان اكتيۆتەردٸ قايتارۋعا قاتىستى سەميناردا ايتقان.
كراۆچەنكونىڭ سٶزٸنە قاراعاندا, سوڭعى 10-15 جىل ارالىعىندا شەتەلگە زاڭسىز شىعارىلعان قارجىنىڭ ناقتى سوماسىن ايتۋ قيىن.
"بٸز بارلىعىن ەمەس, ەڭ ٸرٸ قىلمىستىق ٸستەر بويىنشا قارجىنى سانادىق. سوڭعى 10 جىلدا مۇنداي قىلمىس سانى شامامەن 200-گە جەتەتٸن شىعار. قازٸر وسى قىلمىستىق ٸستەر بويىنشا 100 ميللياردتاي تەڭگە شىعارىلعانى انىقتالدى. بۇل سومانىڭ 30 پايىزدايى قازاقستانعا قايتارىلدى" دەدٸ كراۆچەنكو.
باس پروكۋروردىڭ ورىنباسارى قارجى زاڭسىز تٷردە نەگٸزٸنەن سولتٷستٸك امەريكا مەن ەۋروپا ەلدەرٸنە جەنە وففشورلىق ايماقتارعا شىعارىلاتىنىن ايتادى. شەتەلگە شىعارىلعان قارجىنى قايتارۋ ٷشٸن 30-عا تارتا حالىقارالىق كەلٸسٸم جاسالىنعان.
ۇلت پورتالى
