2017 jyldyń 10 aiynda Qazaqstan quny 120 million dollarǵa teń keletin altyn óndirgen. Bul týraly Astanada ótip jatqan «Qazaqstandyq ónim jasaimyz» VII forýmynyń baspasóz máslihatynda «Qazaqaltyn» TKMK AQ bas direktory Balamir Mahanov aitty, dep habarlaidy "Ult aqparat" Baq.kz portalyna silteme jasap.
«2017 jyldyń 10 aiynyń qorytyndysy boiynsha «Qazaqaltyn» kompaniiasy 3 tonna altyn óndirdi. Ónimniń AQSh valiýtasyna shaqqandaǵy quny – 120 mln dollarǵa jýyq», - dedi ol.
Osy oraida kompaniia basshysy elimizde óndirilgen altyn shetelge eksporttalmaitynyn atap ótti.
«Elbasy Nursultan Nazarbaevtyń qaýlysyna sáikes, altyndy Qazaqstannan basqa jaqqa eksporttaýǵa tyiym salynǵan. Sondyqtan ónimderimizdi «Qazaqmys» korporatsiiasyna tiesili Balqash mys qorytý zaýytyna jáne Astana qalasyndaǵy «Taý-Ken Samuryq» kásipornyna jiberemiz. Biz altyndy shetelge satpaimyz», - dedi Balamir Mahanov.
.jpeg)