Foto: pixabay.com
Qazaqstanda biyl shilde aiynan bastap temeki ónimderiniń baǵasy ósedi. Qarjy ministriniń buiryǵyna tiisti ózgerister engizildi.
Ashyq NQA portalynda "Filtrli, filtrsiz sigaretterge, papirostarǵa, sigarillalarǵa jáne qyzdyrylatyn temekisi bar buiymdarǵa eń tómen bólshek saýda baǵalaryn belgileý týraly" buiryq jobasy jariialandy.
Qujatta 20 filtrli, filtrsiz sigaretke, papirostarǵa, sigarillalarǵa jáne qyzdyrylatyn temekisi bar buiymdarǵa 2023 jylǵy 1 shildeden bastap 2023 jylǵy 31 jeltoqsandy qosa alǵanǵa deiin – 710 teńge; 2024 jylǵy 1 qańtardan bastap 770 teńge mólsherinde eń tómengi bólshek saýda baǵalaryn belgileý usynyldy.
Osy buiryq 2023 jylǵy 1 shildeden bastap qoldanysqa engiziledi.
Ministrlik túsindirgendei, baǵanyń ósýine temeki ónimderiniń aktsiz mólsherlemesiniń 14%-ke ulǵaiýy, importtalatyn shikizat pen materialdardyń qymbattaýy, logistikanyń edáýir kúrdelenýi jáne infliatsiia sebep bolyp otyr.
Osyǵan bailanysty vedomstvo temeki ónimderine eń tómengi bólshek saýda baǵasyn kóterýdi oryndy dep sanaidy.
Qujat 19 mamyrǵa deiin qoǵam talqysyna shyǵaryldy.
