2019 jylǵy 1 maýsymnan bastap azamattyq qyzmetkerlerdiń jalaqysyn arttyrýǵa 144 milliard teńgeden astam qarjy bólindi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Tuńǵysh Prezident - Elbasynyń jáne Memleket basshysynyń tapsyrmalaryna sáikes aǵymdaǵy jylǵy 1 maýsymnan bastap biýdjet salasynyń aqysy tómen qyzmetkerleriniń jalaqysy kóbeiedi.
«Jalaqy 1-den 8-ge deiingi razriadtaǵy qyzmetkerlerge, qosalqy (tehnikalyq), ákimshilik jáne negizgi personaldar qyzmetkerlerine, sondai-aq basqarýshy personaldyń keibir qyzmetkerlerine qatysty boldy. Atalǵan qyzmetkerlerdiń jalaqysy jumys ótiline bailanysty saralanǵan túrde arttyrylady.
Bul maqsatqa respýblikalyq biýdjetten 2019 jylǵa 144,3 mlrd.teńge kózdelgen», delingen habarlamada.
Baspasóz qyzmetiniń málimetinshe, joǵary bilimdi jáne 1 maýsymǵa deiin 2 jyl jumys ótili bar joǵary sanatty áleýmettik qyzmetkerdiń jalaqysy 81 830 teńgeni qurady. 2019 jylǵy 1 maýsymnan bastap - 98 961 teńge. Osylaisha, jalaqynyń ósimi 17 130 teńgeni nemese 21% qurady.
«Taǵy bir mysal retinde 5 jyl jumys ótili bar sanaty joq arnaiy orta bilimi bar tárbieshiniń jalaqysyn ulǵaitýdy qarastyramyz. Máselen, eger 1 maýsymǵa deiin ol 58 984 teńgeni qurasa, 2019 jylǵy 1 maýsymnan bastap 76 114 teńgeni quraidy, bul jerde jalaqy ósimi - 17 130 teńgeni nemese 29% quraidy» delingen habarlamada.
Aita keterligi, jalaqyny arttyrý densaýlyq saqtaý, bilim berý, áleýmettik qorǵaý, mádeniet, sport, aýyl sharýashylyǵy jáne basqa salalarda jumys isteitin 1,1 million azamattyq qyzmetshilerge qatysty.
