Qazaqstanda 1 mamyrdan bastap eldi mekenderdiń ataýyn ózgertýge moratorii engizilmek. Mundai usynys Qazaqstan Respýblikasynyń 2021 jylǵy Ulttyq halyq sanaǵyn júrgizý jónindegi arnaiy komissiiasynyń birinshi otyrysy barysynda jasaldy, dep habarlaidy «Ult aqparat».
«Sapaly sanaq júrgizý úshin komissiia 2021 jyldyń 1 mamyrynan 31 jeltoqsanyna deiingi aralyqta ákimshilik-aýmaqtyq birlikterdi qurý, taratý jáne qaita qurý, eldi mekenderdiń quramdas bólikteriniń ataýyn ózgertý boiynsha usynystarǵa moratorii engizý qajettiligin qarastyrdy», - delingen komissiia otyrysynan keiin taratylǵan aqparatta.
Osyǵan orai komissiia tóraǵasy – QR Premer-Ministri Álihan Smaiylov Ulttyq statistika biýrosyna atalǵan másele boiynsha Prezident Ákimshiliginiń bekitýi úshin usynys ázirleýdi tapsyrdy.
Buǵan deiin Premer-Ministrdiń birinshi orynbasary Smaiylov statistikalyq óndiristi odan ári tsifrlandyrý tujyrymdamasyn maquldaǵan bolatyn. Bul Big Data kómegimen derekterdi jinaýǵa, respondentterge esep berý júktemesin azaitýǵa jáne resmi statistikanyń meiilinshe sapaly bolýyn jáne ashyqtyǵyn qamtamasyz etýge múmkindik beredi.
Aita keteiik, 2021 jyldyń 1 qyrkúieginen Qazaqstannyń halyq sanaǵy onlain bastalady.
