Densaýlyq saqtaý ministrliginiń resmi ókili Baǵdat Qojahmetov elimizdegi epidemiologiialyq ahýaldy baian etti, dep habarlaidy "Ult aqparat".
«25 qyrkúiektegi málimet boiynsha, elimizde koronavirýs aýrýymen aýyrǵan azamattardyń sany 107 590-ǵa jetti. Onyń ishinde 95,1 paiyzy nemese 102 360 naýqas jazylyp shyqty. 3515 adam em qabyldaýda. Ókinishtisi, 1715 azamat qaitys boldy. Sońǵy táýlikte koronavirýs infektsiiasy 61 adamnan anyqtaldy», - dep habarlady Baǵdat Qojahmetov OKQ-da ótken baspasóz máslihatynda.
Onyń aitýynsha, PTR test teris nátije kórsetken 31 991 naýqas tirkelip, onyń ishinde 26 914-i emdelip shyqty. Qaitys bolǵandardyń sany – 347.
