Qazaqstanda taǵy 1469 adamnyń PTR testi oń shyǵyp, koronavirýs juqqany belgili boldy, - dep habarlady 29 qańtarda tańerteń densaýlyq saqtaý ministrligi. Taǵy 59 adam koronavirýsqa uqsas pnevmoniia túrimen aýyrǵan.
Resmi málimet boiynsha, 2020 jyldyń naýryz aiynan beri elde 183 999 adamnyń koronavirýs testi oń shyqqan. 165 myńnan astamy jazylǵan, 2557 adam (ótken táýlikte 6 adam ólimi tirkelgen) qaitys bolǵan.
Densaýlyq saqtaý ministrligi 1 tamyzdan beri pnevmoniianyń koronavirýsqa uqsas túrine jeke kod berip, tirkep keledi. Sodan beri 47 717 adam koronavirýs pnevmoniiasyna shaldyqty dep aitylady. 564 adam sodan qaitys bolǵan. 35 myńnan astamy jazylǵan.
Ótken táýlikte eń joǵary kórsetkish Pavlodar oblysynda (296) tirkelgen. Nur-Sultanda koronavirýs juqqan - 124 adam, Almatyda 122 naýqas anyqtalǵan. Aqmola oblysynda 206 adamǵa koronavirýs juqqan. Qostanai oblysy (137), Soltústik Qazaqstan oblysy (109), Batys Qazaqstan oblysynda (104) júzden astam naýqas anyqtalǵan. Odan bólek, Atyraý oblysynda - 94, Qaraǵandy oblysynda - 80, Almaty oblysynda - 75, Shyǵys Qazaqstan oblysynda - 41, Jambyl oblysynda - 22, Mańǵystaý oblysynda - 16, Qyzylorda oblysynda - 12, Aqtóbe oblysynda - 12, Túrkistan oblysynda - 10, Shymkent qalasynda 9 naýqas tirkeldi.
29 qańtardaǵy málimet boiynsha, 27 520 adam koronavirýs infektsiiasynan (15 877 KVI+ jáne 11 643 KVI-) emdelip jatyr.
Onyń ishinde 6 571 patsient statsionarda, 20 949 naýqas ambýlatoriialyq deńgeide em qabyldaýda.
Koronavirýsqa shaldyqqandar arasynda:
• 268 adamnyń jaǵdaiy aýyr;
• 54 patsienttiń jaǵdaiy óte aýyr;
• 42 naýqas ÓJJ apparatynda jatyr.
Djons Hopkins ýniversitetiniń málimetinshe, álemde koronavirýs juqtyrǵandar 101,4 million adamǵa jetken, 55,9 adam jazylǵan, 2,18 mln adam qaitys bolǵan.
