Qazaqstanda taǵy 1 105 adamnan koronavirýs anyqtaldy, olardyń PTR testi oń shyqqan. Taǵy 6 adam koronavirýs pnevmoniiasyna shaldyqqan. 13 adam ólimi tirkeldi: 11 adam – koronavirýstan, 2 adam - koronavirýs pnevmoniiasynan qaitys boldy dep aitylady.
Ótken táýlikte Almatyda – 341, Nur-Sultanda – 195, Almaty oblysynda 104 naýqas tirkelgen. Qalǵan oblystar men qalalarda anyqtalǵan naýqastar júzge jetpeidi.
2020 jyldyń naýryzynan beri 236 200 adamnyń koronavirýs testi oń nátije bergen. Basym bóligi jazylǵan. Sodan beri 2 952 adam qaitys bolǵan.
Bilik koronavirýs pnevmoniiasyna shaldyqqandardy Covid statistikasyna qospai keledi. 2020 jyldyń 1 tamyzynan beri 50 152 adam koronavirýs pnevmoniiasyna shaldyqqan. Sodan beri 669 adam qaitys bolǵan.
Byltyr jazda indet órship, pnevmoniiamen elde aýrýhanaǵa túskender men kóz jumǵandar kúrt kóbeigen. Biraq tamyzdyń basyna deiin "pnevmoniiaǵa" shaldyqqan jáne kóz jumǵandar eshqandai statistikaǵa enbei qaldy. Ministrlik maýsym-tamyz arasynda "koronavirýs pnevmoniiasyna" shaldyqqandardy "tehnikalyq qiyndyqtarǵa" siltep, statistikaǵa qospady.
AQSh-taǵy Djons Hopkins ýniversitetiniń málimetinshe, álemde 124 millionnan asa adamnan virýs tabylǵan. 2,7 millionnan asa adam kóz jumsa, 70 millionnan asa adam dertten aiyqty.
Aimaqtar boiynsha koronavirýs juqtyrǵandar sany:
Nur-Sultan qalasy - 195,
Almaty qalasy - 341,
Shymkent qalasy - 22,
Aqmola oblysy - 45,
Aqtóbe oblysy - 50,
Almaty oblysy - 104,
Atyraý oblysy - 65,
Shyǵys Qazaqstan oblysy - 19,
Jambyl oblysy - 10,
Batys Qazaqstan oblysy - 76,
Qaraǵandy oblysy - 92,
Qostanai oblysy - 40,
Qyzylorda oblysy - 4,
Mańǵystaý oblysy - 5,
Pavlodar oblysy - 25,
Soltústik Qazaqstan oblysy - 7,
Túrkistan oblysy - 5.
Densaýlyq saqtaý ministrliginiń aqparatyna sensek, Qazaqstanda osy ýaqytta 22 124 adam koronovirýs infektsiiasynan (19 505 KVI+ jáne 2 619 KVI-) emdelip jatyr.
Olardyń arasynda 6 731 patsient - statsionarda, 15 393 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 307 adamnyń jaǵdaiy aýyr;
• 76 patsienttiń jaǵdaiy óte aýyr;
• 39 naýqas jasandy tynys alý apparatynda jatyr.
