Qazaqstan jol ǵylymi-zertteý institýtynyń jáne QR Indýstriia jáne infraqurylymdyq damý ministrligi Avtomobil joldary komiteti Jol aktivteriniń ulttyq sapa ortalyǵynyń mamandary jol qurylymy men topyraq negiziniń temperatýrasy jáne ylǵaldylyǵyn baqylaý boiynsha jobany júzege asyrýdy jalǵastyrýda.
Biyl el joldarynda 22 datchik ornatylady dep josparlanyp otyr, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Byltyr Qazaqstan joldarynda, atap aitqanda, «Shý ainalma joly», «Omby-Maiqapshaǵai» jáne «Aqtóbe-Atyraý» avtomobil joldarynyń ýchaskelerinde alǵash ret temperatýra men ylǵaldylyqty baqylaý júiesi ornatylǵan bolatyn.
2021 jyly Qazaqstannyń birqatar óńirinde temperatýra men ylǵaldylyq datchikteriniń 22 jiyntyǵyn ornatý josparlanýda. Osylaisha, ólsheý keshenderi Qazaly, Aqtaý, Oral, Petropavl, Balqash, Taraz, Aqtóbe, Qostanai, Pavlodar, Úsharal, Jezqazǵan, Qordai jáne Kúiik ótkelderi, Zaisan, Taldyqorǵan jáne Óskemen, Nur-Sultan, Almaty jáne Túrkistan, Atyraý mańynda ornatylmaq.
Datchikter jol qurylymdarynyń sý-jylý rejimi parametrlerin avtomattandyrylǵan jinaqtaýdy júzege asyrady. Sodan keiin alynǵan málimetter baqylaý ortalyǵyna beriledi. Zertteýler ǵalymdarǵa eldiń ártúrli aimaqtarynda klimat pen júktemeni eskere otyryp salý, qaita qurý jáne jóndeý tehnologiiasyn túzetýge múmkindik beredi. Al bul óz kezeginde qarjylyq shyǵyndardy aitarlyqtai tómendetedi.
