QR Indýstriia jáne infraqurylymdyq damý ministrliginde «Nurly jol» memlekettik baǵdarlamasy aiasynda júzege asyrylyp jatqan avtojol jobalary boiynsha tehnikalyq qadaǵalaý qyzmeti týraly keńes ótti, dep habarlaidy "Ult aqparat".
Talqylaýǵa QR IIDM Avtomobil joldary komiteti, QR IIDM Qurylys jáne turǵyn úi-kommýnaldyq sharýashylyq isteri komiteti, «QazAvtoJol» UK» AQ jáne «Jol aktivteriniń ulttyq sapa ortalyǵy» RMK ókilderi qatysty.
Kezdesý barysynda tehnikalyq qadaǵalaý qyzmetin baǵalaý júiesin ázirleý usynyldy. Bul reiting joba boiynsha sapaly jumys júrgizýge tehnikalyq qadaǵalaýdy júzege asyratyn injenerlerdiń qyzyǵýshylyǵyn arttyrmaq. Sonymen qatar, tehnikalyq qadaǵalaýdy derbes jaýapkershilikke tartý tetigi boiynsha usynystar ázirleý, onyń ishinde merdiger uiymdardy ǵana emes, tehnikalyq qadaǵalaýdyń injenerlik kompaniialaryn da kepildik kezeńinde ortaq jaýapkershilikti bekitý bóliginde Qazaqstan zańnamasyna ózgerister engizý boiynsha usynysqa bastamashylyq etý máselesi kóterildi.
Esterińizge sala keteiik, tehnikalyq qadaǵalaý avtomobil joldarynyń qurylysy men jóndelýine baqylaý jasaidy, sondai-aq tehnikalyq qurylǵylardyń kómegimen jol tósemin ornatý tehnologiiasynyń saqtalýyn baqylaidy.
