Atom energetikasy jónindegi halyqaralyq agenttiktiń (MAGATE) Bas konferentsiiasynyń 64-shi sessiiasynda QR Energetika ministrligi men AQSh Energetika departamentiniń Iadrolyq qaýipsizdik jónindegi ulttyq ákimshiligi joǵary baiytylǵan ýrandy azaitý týraly birlesken málimdemege qol qoidy, dep habarlaidy "Ult aqparat".
Iadrolyq qaterdi azaitý jónindegi jahandyq bastama sheńberinde qazirgi ýaqytta Qazaqstanda zertteý reaktorlaryn konversiialaý jónindegi jumystar júrgizilýde.
«Bul jumystardyń negizgi maqsaty joǵary baiytylǵan ýrandy (JBÝ) joiý arqyly iadrolyq materialdardy taratpaý jáne zertteý reaktorlaryn tómen baiytylǵan ýran (TBÝ) otynyna kóshirý bolyp otyr. Osy jobalar AQSh uiymdarymen birlesip iske asyrylýda, olar kúrdeli mindetti oryndaý úshin Qazaqstan uiymdarynyń ǵylymi-tehnikalyq áleýeti men quzyretteriniń joǵary deńgeiin atap ótti», - dep habarlaidy Energetika ministrliginen.
Jobany iske asyrýdyń mańyzdylyǵyn eskere otyryp, AEHA Bas konferentsiiasynyń 64-shi sessiiasy sheńberinde QR Energetika ministrligi men AQSh Energetika departamentiniń Iadrolyq qaýipsizdik jónindegi ulttyq ákimshiligi joǵary baiytylǵan ýrandy azaitý týraly birlesken málimdemege qol qoiǵan.
Taraptar JBÝ-dy barynsha azaitý, iadrolyq qaýipsizdikti qamtamasyz etý jáne iadrolyq qarýdy taratpaý rejimin nyǵaitý jónindegi ortaq maqsattardy qoldaý úshin birlesken áreketterdi jalǵastyrý nietin rastaidy.
