Búgin jer-jerde dúniejúzilik «Jer saǵaty» aktsiiasy ótip jatyr. Qazaqstan atalǵan ekologiialyq aktsiiaǵa 2009 jyldan bastap qatysyp keledi, dep habarlaidy QazAqparat.
«Jer saǵaty» - dúniejúzilik jabaiy tabiǵat qorynyń (WWF) bastamasymen 2007 jyldan beri búkil álemde ótkizilip kele jatqan eń aýqymdy halyqaralyq ekologiialyq shara.
Atalǵan sharaǵa 180 el, 7 myń qala qatysady.
Jyl saiynǵy dástúr boiynsha naýryz aiynyń sońǵy senbisinde el turǵyndary saǵat 20:30-dan 21:30-ǵa deiin úii men páterindegi shamdar men turmystyq elektr quraldaryn óshiredi.
Bul aktsiiaǵa memlekettik jáne jeke tulǵalar da qoldaý kórsetedi.
Biyl Qazaqstanda ótetin «Jer saǵaty» aktsiiasy ekotýrizm taqyrybyna arnalyp otyr.
Ekotýrist bolý úshin tabiǵatty saqtaýǵa jáne jergilikti halyqtyń ekonomikalyq damýyna úles qosý kerek.
Sondai-aq, aktsiia barysynda Nur-Sultan qalasy boiynsha «Aqorda» rezidentsiiasy, Báiterek, Triýmfaldy arka, «Astana Opera», Nazarbaev Ýniversitetinde jáne qalanyń basqa da iri nysandarynda búkil elektr energiiasy óshiriledi.
Al, Almaty qalasynda «Qazaqstan» qonaq úiiniń ǵimaratynda, QBTÝ jáne taǵy basqa iri nysandarda jaryq ýaqytsha sóndiriledi.
Aita keteiik, dúniejúzi boiynsha ótetin ekologiialyq aktsiiaǵa kez kelgen adam qatysyp, úlesin qosa alady.
Ol úshin jergilikti ýaqyt boiynsha keshki saǵat 20:30-da 1 saǵatqa ǵimarattyń (turǵyn úi, mekeme taǵy sol siiaqty) jaryǵyn sóndirý kerek.
