Sýret Qyzylorda oblystyq “Jas Ulan” BBJU” QB uiymynan
Qazaqstan Respýblikasy Mádeniet jáne aqparat ministrliginiń tapsyrysy boiynsha Qyzylorda oblystyq «Jas Ulan» biryńǵai balalar men jasóspirimder uiymy» qoǵamdyq birlestigi «Azamattyq bastamalardy qoldaý ortalyǵymen» birlesip, 2023-2024 jyldary «Fenomen Jas» áleýmettik jobasyn júzege asyrdy. Jobanyń maqsaty – táýelsizdik jyldary tabysqa jetken qazaqstandyq jastardy nasihattaý, olardyń qoǵamǵa qosqan úlesin dáripteý, NEET jastaryna úlgi kórsetý jáne memlekettik baǵdarlamalarǵa tartý.
Joba aiasynda túrli is-sharalar uiymdastyryldy. ZOOM platformasynda ár óńirden iriktelgen 20 belsendi jas ókiliniń qatysýymen motivatsiialyq kezdesýler ótkizilip, oǵan 1137 adam qatysty. Sonymen qatar, «Jastar tańdaýy» atty 100 kúndik marafon uiymdastyryldy. Marafon áleýmettik, shyǵarmashylyq, intellektýaldy jáne fizikalyq baǵyttardy qamtydy. Eki jyl ishinde 237 qatysýshy marapattalyp, júlde qory 500 000 teńgeni qurady.
Qazaqstannyń úsh qalasynda TED Talks formatynda oflain sharalar ótkizildi. Sarapshylar óz tájiribelerimen bólisip, netvorking alańdarynda qatysýshylar arasynda ideialar men usynystar talqylandy. Bul is-sharalarǵa jalpy 512 adam qatysty. Sonymen qatar, «Soft skills», «Time management», «Komandamen jumys» siiaqty taqyryptarda seminar-treningter uiymdastyrylyp, 606 adam qamtyldy. Barlyq materialdar «Classroom» platformasynda jariialandy.
Sýret Qyzylorda oblystyq “Jas Ulan” BBJU” QB uiymynan
Jobanyń mańyzdy bóligi – «Uly dala saryny» syilyǵynyń jeńimpazdaryn marapattaý rásimi boldy. Jeńimpazdardy anyqtaý úshin 100-den astam ótinim qabyldanyp, 5 nominatsiia boiynsha úzdikter tańdaldy. Olarǵa 200 000 teńgelik sertifikattar men arnaiy músinder tabystaldy. Jalpy júlde qory 2 mln teńgeni qurady.
Sonymen qatar, joba aiasynda tabysty jastar týraly 10 siýjet, 5 podkast jáne 4 beinerolik daiyndalyp, internet pen áleýmettik jelilerde taratyldy. «Fenomen Jas» jobasy qazaqstandyq jastardyń áleýetin tanytýǵa jáne olardy qoǵamnyń belsendi múshesi bolýǵa yntalandyrýǵa zor úles qosty.
Sýret Qyzylorda oblystyq “Jas Ulan” BBJU” QB uiymynan
