Foto: Gov.kz
Búgin Oqý-aǵartý ministri Ǵani Beisembaev pen Tsifrlyq damý, innovatsiialar jáne aeroǵarysh ónerkásibi ministri Jaslan Mádiev 2025–2029 jyldarǵa arnalǵan orta, tehnikalyq jáne kásiptik, sondai-aq orta bilimnen keiingi bilim berý júiesine jasandy intellektini engizýdiń tujyrymdamalyq negizderin bekitý týraly birlesken buiryqqa qol qoidy, dep habarlaidy Ult.kz.
Qujat Memleket basshysynyń Qazaqstan halqyna Joldaýynda berilgen tapsyrmasy aiasynda ázirlenip, bilim berý júiesin jańǵyrtýdyń mańyzdy kezeńine ainaldy. Alǵash ret bilim berý salasynda jasandy intellektini qoldanýdyń biryńǵai ulttyq standarttary bekitilip, oǵan etika, quqyqtyq retteý, derbes derekterdi qorǵaý jáne akademiialyq adaldyq máseleleri engizildi.
Bul tujyrymdama mektepterdi ǵana emes, tehnikalyq jáne kásiptik bilim berý uiymdaryn da qamtidy. Ol jasandy intellektke arnalǵan arnaiy taqyryptardy oqý protsesine engizýdi, zamanaýi tsifrlyq oqýlyqtar shyǵarýdy, oqýshylardyń JI boiynsha saýattylyǵyn qalyptastyrýdy jáne olardyń jobalyq qabiletterin damytýǵa jaǵdai jasaýdy kózdeidi. Sonymen qatar, pedagogterdiń kásibi deńgeiin Acquire → Deepen → Create úshsatyly úlgisi boiynsha jetildirýdi qamtamasyz etedi.
Qujatta balanyń quqyqtaryn qorǵaý men pedagogtiń kásibi bedelin saqtaý máselesine airyqsha mán berilgen. Mektepter men kolledjderde jasandy intellektini paidalanýdaǵy etika men akademiialyq adaldyqtyń ortaq qaǵidalary bekitiledi.
«Birlesken buiryqqa qol qoiý – elimizdiń bilim berý júiesin damytýdyń jańa belesi. Tujyrymdama strategiialyq basymdyqtardy naqtylap qana qoimai, ony iske asyrýdyń aiqyn mehanizmin, monitoring júiesin jáne jol kartasyn bekitedi. Bul jasandy intellektini mektepter men kolledjderde júieli ári qaýipsiz engizýge jaǵdai jasaidy. Jasandy intellekt pedagogtiń ornyn baspaidy, qaita onyń rólin arttyrady. Sebebi, bilim berý protsesindegi túpkilikti sheshimderdi adam qabyldaidy», – dedi ministr Ǵani Beisembaev.
Qazaqstan IýNESKO, EYDU jáne Eýropalyq odaqtyń usynymdaryn negizge ala otyryp, bul baǵytta ózindik ulttyq jolyn aiqyndaǵan alǵashqy elderdiń biri boldy.
«Bilim berý salasyna jasandy intellektini engizý – Qazaqstannyń aýqymdy tsifrlyq jańǵyrý strategiiasynyń quramdas bóligi. Biz balalar men jastardyń tek zamanaýi quraldardyń qoldanýshysy emes, solardyń qurastyrýshysy bolýyna múmkindik ashyp otyrmyz. Usynylyp otyrǵan tujyrymdama – bolashaq tehnologiialaryn erkin meńgergen, sonymen qatar ulttyq qundylyqtar men akademiialyq adaldyqty saqtaǵan jańa býyndy qalyptastyrýǵa jol ashady», – dep atap ótti Jaslan Madiev.
Aita keteiik, 2025–2026 oqý jylynan bastap «Tsifrlyq saýattylyq» pen «Informatika» pánderine jasandy intellekt elementteri engizildi. Oqýshylar úshin Day of AI ádistemelik kesheni ázirlenip, pedagogter úshin arnaiy biliktilikti arttyrý baǵdarlamalary iske qosyldy.
